प्रचार व प्रसार कार्यक्रम
१. कार्यक्रमाची पार्श्वभूमी
परमपूज्य सद्गुरु श्री बापट गुरुजी ह्यांनी त्यांच्या संपूर्ण जीवन काळात ज्ञानोत्तर भक्तीचा अविरत प्रचार केला. अध्यात्मातल्या विविध विषयांची ओळख आपल्या शिष्यांना व्हावी आणि त्यांनी अत्यंत साक्षेपीपण समजून उमजून, सद्हेतूपूर्वक साधना मार्गावर प्रगती करावी ही त्यांच्या अंतरीची तळमळ होती. ह्यासाठी त्यांनी अखंड ज्ञानदानाचा वसा घेतला होता. विविध विषयावर त्यांनी अत्यंत अभ्यासपूर्ण, सखोल अशी सहज सोपी विवेचने केली. त्या विवेचन प्रसंगी जी जी भाग्यवान साधक मंडळी उपस्थित होती, त्यांना हा अमृत ठेव्याचा सहजलाभ झाला. अध्यात्माच्या भव्य प्रांगणात विखुरलेल्या, विविध गुरुपरंपरेतल्या, विविध साधना मार्गातल्या साधकांना ह्या ज्ञान-ठेव्याचा लाभ व्हावा, ह्या हेतूने श्रीसद्गुरुंची ही विवेचनं, ग्रंथ आणि लेख स्वरूपात प्रसिद्ध करण्यात आली आहेत.
परमपूज्य सद्गुरु श्री बापट गुरुजींच्या ग्रंथवाङ्‍मयाचा प्रचार करण्यासाठी साधकांच्या तर्फे बाह्य ग्रंथ प्रदर्शन आणि विक्रीचे कार्यक्रम आयोजित केले जात होते. मात्र ह्या कार्यक्रमांमध्ये सर्व ग्रंथांचा परिचय, श्रीसद्गुरुंच्या कार्याचा परिचय योग्य रीतीने करण्याची संधी प्राप्त होत नसे. ह्या शिवाय हे ग्रंथ विक्री काउंटर्स फक्त मुंबई-कल्याण-ठाणे आणि पुण्यापर्यंतच सीमित होते. प.पू. श्री सद्गुरुंनी आध्यात्मिक जगतात केलेलं अतुलनीय कार्य आणि त्यांच्या ग्रंथसंपदेची ओळख महाराष्ट्रात, किंबहुना संपूर्ण विश्वात होणेकरिता सत्कर्म, भक्ती आणि ज्ञान ह्याची सांगड घालणारा कार्यक्रम आयोजित केला जावा अशी संकल्पना परमपूज्य श्रीसद्‍गुरुंसमोर विचारार्थ मांडली. त्यानंतर श्रीसद्गुरुंच्या मार्गदर्शनाखाली ह्या कार्यक्रमाची सविस्तर रूपरेषा ठरवण्यात आली. योगायोगाने त्यानंतर लगेचच मैसूरचे (सध्या पुण्यात वस्तव्यास असणारे) श्री नागराज अप्पा ह्यांनी श्री सद्गुरुंचा अ-घोरकष्टोद्धरण स्तोत्रावरचा कानडी भाषांतरित ग्रंथ वाचून ह्या ग्रंथाच्या आणि स्तोत्राच्या प्रचाराचा कार्यक्रम आपल्या घरी घ्यावा अशी कळकळीची विनंती श्रीसद्‍गुरुंना केली. ही विनंती मान्य करून श्री सद्गुरुंनी हा कार्यक्रम घेण्याच्या सूचना स्वयंसेवकांना दिल्या आणि दिनांक २५ जुलै २०१५ रोजी अ-घोरकष्टोद्धरण स्तोत्र : प्रचार आणि प्रसाराचा प्रथम छोटेखानी कार्यक्रम पुण्यात बाणेर येथे संपन्न झाला.
परमपूज्य सद्गुरुंचे अनेक ग्रंथ हे परमहंस परिव्राजकाचार्य श्रीमत् वासुदेवानंद सरस्वती स्वामी महाराजांच्या प्रभावी अशा स्तोत्रांवर आधारित आहेत. श्रीमत् थोरल्या स्वामी महाराजांच्या विपुल वाङ्मयाचा आणि कार्याचा प्रचार करणे हे श्रीसद्गुरुंनी अंगीकारलेले एक प्रमुख कार्य होते. अ-घोरकष्टोद्धरण स्तोत्र हे स्वामी महाराजांनी रचलेल्या अनेक स्तोत्रांपैकी अत्यंत सुप्रसिद्ध आणि प्रभावी स्तोत्र आहे. ह्याच स्तोत्राची निवड श्री सद्गुरुंनी आपल्या पहिल्या विवेचन मालिकेकरिता केली होती. ह्या सर्व कारणांनी प्रचार आणि प्रसार अंतर्गत सर्वप्रथम ह्या स्तोत्राच्या आणि त्या वर आधरित ग्रंथाचा प्रचार कार्यक्रम आयोजित करण्यास श्रीसद्गुरुंच्या आज्ञेने साधकांनी प्रारंभ केला.
२. कार्यक्रमाची रूपरेषा
- ह्या कार्यक्रमांतर्गत सुरुवातीला स्तोत्र पठण, ’नमो गुरवे वासुदेवाय’, ह्या नाममंत्राचा सामूहिक जप उपस्थितांकडून करवून घेतला जातो. त्यावेळी “श्रीगुरु वासुदेव यंत्र” तसेच श्रीस्वामी महाराजांची प्रतिकृती समोर ठेवली जाते.
- त्यानंतर प्रास्ताविकाच्या निवेदनात प.प. श्रीमत् वासुदेवानंद सरस्वती स्वामी महाराजांची , तसेच स्वामी महाराजांनी रचलेल्या ह्या स्तोत्राची ओळख करून दिली जाते. सद्गुरु श्री बापट गुरुजींनी ह्या स्तोत्रावर केलेल्या विवेचनांवर आधारित असलेल्या ग्रंथाविषयी सविस्तर माहिती उपस्थितांना देण्यात येते.
- प्रास्ताविकानंतर दोन स्वयंसेवक ग्रंथाचे पाठवाचन करतात
- पाठवाचनानंतर ह्या स्तोत्राचे सामूहिक पठण उपस्थित सर्वांकडून पाच वेळा करवून घेतले जाते. त्यासाठी स्तोत्राच्या छापील प्रती केंद्रामार्फत दिल्या जातात.कार्यक्रमानंतर किमान तीन महिने स्तोत्रपठण करण्याचा संकल्प करण्याबाबतचे आवाहन उपस्थितांना केले जाते
- अंतिमतः आभाराचे निवेदन होते. ह्यामध्ये प्रामुख्याने श्रीसद्गुरु बापट गुरुजींच्या कार्याचा परिचय आणि प्रकाशित ग्रंथांचा परिचय लोकांना करून दिला जातो. शेवटी संयोजकांचे आभार मानून आणि ग्रंथ प्रदर्शनाची उद्घोषणा करून कार्यक्रम संपतो.
- आजपर्यंत (मार्च 2018 अखेरपर्यंत) एकुण ७० कार्यक्रम महाराष्ट्र, कर्नाटक, तेलंगण, मध्यप्रदेश, गुजराथ अशा विविध ठिकाणी आयोजित करण्यात आले आहेत.
- ह्यामध्ये अघोरकष्टोध्दरण स्तोत्राबरोबरच श्रीगुरुस्तुती, करुणात्रिपदी ह्या स्तोत्रांचाही प्रचार करण्यात आला आहे.
- ह्या कार्यक्रमांमध्ये आजपर्यंत सुमारे पावणेचार हजार साधकांनी सहभाग घेतला असून अडीच हजारपेक्षा जास्त ग्रंथांची विक्री झाली आहे. शिवाय अनेक साधकांनी यंत्र आणि मंत्र साधनेचा संकल्प केला आहे
आगामी काळामध्ये नर्मदा परिक्रमा, श्रीकृष्ण ग्रंथ ह्या वर आधारित प्रचार प्रसार कार्यक्रम घेणे नियोजित आहे. तसंच स्तोत्र-पठणाला प्रतीक हवनाची जोड देऊन सामूहिक यज्ञ साधनेचा सर्व समाजात प्रचार आणि प्रसार करण्याचा संकल्प श्री सद्गुरुंच्या चरणी अर्पण केला आहे.
परमपूज्य सद्गुरु श्री बापट गुरुजी ह्यांनी त्यांच्या संपूर्ण जीवन काळात ज्ञानोत्तर भक्तीचा अविरत प्रचार केला. अध्यात्मातल्या विविध विषयांची ओळख आपल्या शिष्यांना व्हावी आणि त्यांनी अत्यंत साक्षेपीपण समजून उमजून, सद्हेतूपूर्वक साधना मार्गावर प्रगती करावी ही त्यांच्या अंतरीची तळमळ होती. ह्यासाठी त्यांनी अखंड ज्ञानदानाचा वसा घेतला होता. विविध विषयावर त्यांनी अत्यंत अभ्यासपूर्ण, सखोल अशी सहज सोपी विवेचने केली. त्या विवेचन प्रसंगी जी जी भाग्यवान साधक मंडळी उपस्थित होती, त्यांना हा अमृत ठेव्याचा सहजलाभ झाला. अध्यात्माच्या भव्य प्रांगणात विखुरलेल्या, विविध गुरुपरंपरेतल्या, विविध साधना मार्गातल्या साधकांना ह्या ज्ञान-ठेव्याचा लाभ व्हावा, ह्या हेतूने श्रीसद्गुरुंची ही विवेचनं, ग्रंथ आणि लेख स्वरूपात प्रसिद्ध करण्यात आली आहेत.
परमपूज्य सद्गुरु श्री बापट गुरुजींच्या ग्रंथवाङ्‍मयाचा प्रचार करण्यासाठी साधकांच्या तर्फे बाह्य ग्रंथ प्रदर्शन आणि विक्रीचे कार्यक्रम आयोजित केले जात होते. मात्र ह्या कार्यक्रमांमध्ये सर्व ग्रंथांचा परिचय, श्रीसद्गुरुंच्या कार्याचा परिचय योग्य रीतीने करण्याची संधी प्राप्त होत नसे. ह्या शिवाय हे ग्रंथ विक्री काउंटर्स फक्त मुंबई-कल्याण-ठाणे आणि पुण्यापर्यंतच सीमित होते. प.पू. श्री सद्गुरुंनी आध्यात्मिक जगतात केलेलं अतुलनीय कार्य आणि त्यांच्या ग्रंथसंपदेची ओळख महाराष्ट्रात, किंबहुना संपूर्ण विश्वात होणेकरिता सत्कर्म, भक्ती आणि ज्ञान ह्याची सांगड घालणारा कार्यक्रम आयोजित केला जावा अशी संकल्पना परमपूज्य श्रीसद्‍गुरुंसमोर विचारार्थ मांडली. त्यानंतर श्रीसद्गुरुंच्या मार्गदर्शनाखाली ह्या कार्यक्रमाची सविस्तर रूपरेषा ठरवण्यात आली. योगायोगाने त्यानंतर लगेचच मैसूरचे (सध्या पुण्यात वस्तव्यास असणारे) श्री नागराज अप्पा ह्यांनी श्री सद्गुरुंचा अ-घोरकष्टोद्धरण स्तोत्रावरचा कानडी भाषांतरित ग्रंथ वाचून ह्या ग्रंथाच्या आणि स्तोत्राच्या प्रचाराचा कार्यक्रम आपल्या घरी घ्यावा अशी कळकळीची विनंती श्रीसद्‍गुरुंना केली. ही विनंती मान्य करून श्री सद्गुरुंनी हा कार्यक्रम घेण्याच्या सूचना स्वयंसेवकांना दिल्या आणि दिनांक २५ जुलै २०१५ रोजी अ-घोरकष्टोद्धरण स्तोत्र : प्रचार आणि प्रसाराचा प्रथम छोटेखानी कार्यक्रम पुण्यात बाणेर येथे संपन्न झाला.
परमपूज्य सद्गुरुंचे अनेक ग्रंथ हे परमहंस परिव्राजकाचार्य श्रीमत् वासुदेवानंद सरस्वती स्वामी महाराजांच्या प्रभावी अशा स्तोत्रांवर आधारित आहेत. श्रीमत् थोरल्या स्वामी महाराजांच्या विपुल वाङ्मयाचा आणि कार्याचा प्रचार करणे हे श्रीसद्गुरुंनी अंगीकारलेले एक प्रमुख कार्य होते. अ-घोरकष्टोद्धरण स्तोत्र हे स्वामी महाराजांनी रचलेल्या अनेक स्तोत्रांपैकी अत्यंत सुप्रसिद्ध आणि प्रभावी स्तोत्र आहे. ह्याच स्तोत्राची निवड श्री सद्गुरुंनी आपल्या पहिल्या विवेचन मालिकेकरिता केली होती. ह्या सर्व कारणांनी प्रचार आणि प्रसार अंतर्गत सर्वप्रथम ह्या स्तोत्राच्या आणि त्या वर आधरित ग्रंथाचा प्रचार कार्यक्रम आयोजित करण्यास श्रीसद्गुरुंच्या आज्ञेने साधकांनी प्रारंभ केला.
२. कार्यक्रमाची रूपरेषा
- ह्या कार्यक्रमांतर्गत सुरुवातीला स्तोत्र पठण, ’नमो गुरवे वासुदेवाय’, ह्या नाममंत्राचा सामूहिक जप उपस्थितांकडून करवून घेतला जातो. त्यावेळी “श्रीगुरु वासुदेव यंत्र” तसेच श्रीस्वामी महाराजांची प्रतिकृती समोर ठेवली जाते.
- त्यानंतर प्रास्ताविकाच्या निवेदनात प.प. श्रीमत् वासुदेवानंद सरस्वती स्वामी महाराजांची , तसेच स्वामी महाराजांनी रचलेल्या ह्या स्तोत्राची ओळख करून दिली जाते. सद्गुरु श्री बापट गुरुजींनी ह्या स्तोत्रावर केलेल्या विवेचनांवर आधारित असलेल्या ग्रंथाविषयी सविस्तर माहिती उपस्थितांना देण्यात येते.
- प्रास्ताविकानंतर दोन स्वयंसेवक ग्रंथाचे पाठवाचन करतात
- पाठवाचनानंतर ह्या स्तोत्राचे सामूहिक पठण उपस्थित सर्वांकडून पाच वेळा करवून घेतले जाते. त्यासाठी स्तोत्राच्या छापील प्रती केंद्रामार्फत दिल्या जातात.कार्यक्रमानंतर किमान तीन महिने स्तोत्रपठण करण्याचा संकल्प करण्याबाबतचे आवाहन उपस्थितांना केले जाते
- अंतिमतः आभाराचे निवेदन होते. ह्यामध्ये प्रामुख्याने श्रीसद्गुरु बापट गुरुजींच्या कार्याचा परिचय आणि प्रकाशित ग्रंथांचा परिचय लोकांना करून दिला जातो. शेवटी संयोजकांचे आभार मानून आणि ग्रंथ प्रदर्शनाची उद्घोषणा करून कार्यक्रम संपतो.
- आजपर्यंत (मार्च 2018 अखेरपर्यंत) एकुण ७० कार्यक्रम महाराष्ट्र, कर्नाटक, तेलंगण, मध्यप्रदेश, गुजराथ अशा विविध ठिकाणी आयोजित करण्यात आले आहेत.
- ह्यामध्ये अघोरकष्टोध्दरण स्तोत्राबरोबरच श्रीगुरुस्तुती, करुणात्रिपदी ह्या स्तोत्रांचाही प्रचार करण्यात आला आहे.
- ह्या कार्यक्रमांमध्ये आजपर्यंत सुमारे पावणेचार हजार साधकांनी सहभाग घेतला असून अडीच हजारपेक्षा जास्त ग्रंथांची विक्री झाली आहे. शिवाय अनेक साधकांनी यंत्र आणि मंत्र साधनेचा संकल्प केला आहे
आगामी काळामध्ये नर्मदा परिक्रमा, श्रीकृष्ण ग्रंथ ह्या वर आधारित प्रचार प्रसार कार्यक्रम घेणे नियोजित आहे. तसंच स्तोत्र-पठणाला प्रतीक हवनाची जोड देऊन सामूहिक यज्ञ साधनेचा सर्व समाजात प्रचार आणि प्रसार करण्याचा संकल्प श्री सद्गुरुंच्या चरणी अर्पण केला आहे.
|| नमो गुरवे वासुदेवाय ||श्री. दत्त मंदिर, चिकोडी १६-१-२०१८
हरि ॐ
अघोरकष्टोद्धरण स्तोत्र-प्रचार आणि प्रसार ६७ वा कार्यक्रम , चिकोडी
अघोरकष्टोद्धरण स्तोत्राच्या आणि ग्रंथाच्या प्रचार व प्रसार कार्यक्रमांतर्गत चिकोडी येथील दत्त मंदिरात १६ जानेवारी २०१८ रोजी, श्रीसद्गुरु कृपेने केंद्राचा ६७ वा कार्यक्रम संपन्न झाला. ह्या कार्यक्रमासाठी श्री नेर्लीकर ह्यांचे मोलाचे सहकार्य मिळाले.
कार्यक्रम संध्याकाळी ५.००चा होता. नेहमीप्रमाणे नामस्मरण, श्री. स्वामी महाराजांची व अघोर स्तोत्राची थोडक्यात ओळख करून देणारे निवेदन, अघोर स्तोत्राच्या पुस्तकाच्या प्रास्ताविकाचे पाठ वाचन व परमपूज्य सद्गुरु श्री बापट गुरुजींच्या कार्याची, त्यांच्या विविध ग्रंथांची ओळख असा सर्वसमावेशक समारोप, असा नियोजित कार्यक्रम संपन्न झाला. शेवट श्री नर्मदा मैयेच्या गजराने झाला.
कार्यक्रमाला ७५-८० लोकांची उपस्थिती होती. अतिशय उत्साहात ते सगळे स्तोत्र पठणात सहभागी झाले. आपल्या ग्रंथांच्या विक्रीचा काउंटरही तिथे उपस्थितांच्या अवलोकनार्थ लावण्यात आला होता आणि त्याला प्रतिसादही चांगला मिळाला.
अतिशय पुरातन आणि सुंदर अशा श्री. दत्त मंदिरात अघोर स्तोत्राचा कार्यक्रम छानच झाला. हे मंदिर दत्तावतारी सत्पुरुष परमपूज्य देवमामलेदार ह्यांच्या उपस्थितीत स्थापन झाले आहे. कार्यक्रमाचे संयोजक श्री नेर्लीकर हे स्वतः दत्त भक्त असून ह्या मंदिराच्या विश्वस्तांपैकी एक आहेत. चिकोडी हे गाव कर्नाटक आणि महाराष्ट्राच्या सीमेजवळ असल्यामुळे ह्या कार्यक्रमात मराठी आणि कानडी अशा दोन्ही भाषेतून निवेदन केलं गेलं. भाषेचा अडसर कुठेही जाणवला नाही कारण सगळ्यांना सद्गुरु भक्तीची भाषा उत्कृष्ठ येत होती! उत्तम रित्या संपन्न झालेल्या ह्या कार्यक्रमामुळे निश्चितच सगळ्यांना सेवानंद मिळाला.
||सद्गुरुचरणार्पणमस्तु||
|| नमो गुरवे वासुदेवाय ||श्री. ज्ञानराज मंदिर सभागृह, ठाणे १-२-२०१८
अघोरकष्टोद्धरण स्तोत्र स्तोत्र-प्रचार आणि प्रसार ६८ वा कार्यक्रम , ठाणे
प्रचार व प्रसार कार्यक्रमांतर्गत ठाणे येथे १ फेब्रुवारी २०१८ रोजी, श्रीसद्गुरु कृपेने केंद्राचा ६८ वा कार्यक्रम संपन्न झाला. हे स्थान म्हणजे ठाणे येथील श्री. ज्ञानराज मंदिर सभागृह. ह्या कार्यक्रमासाठी श्री. घोसाळकर ह्यांचे मोलाचे सहकार्य मिळाले.
कार्यक्रम संध्याकाळी ५.००चा होता. नेहमीप्रमाणे नामस्मरण, श्री. स्वामी महाराजांची व अघोरकष्टोद्धरण स्तोत्राची थोडक्यात ओळख करून देणारे निवेदन, अघोरकष्टोद्धरण स्तोत्राच्या पुस्तकाच्या प्रास्ताविकाचे पाठ वाचन आणि परम पूज्य सद्गुरु श्री. बापट गुरुजींच्या कार्याची, त्यांच्या विविध ग्रंथांची ओळख असा सर्वसमावेशक समारोप, असा नियोजित कार्यक्रम संपन्न झाला. शेवट श्री नर्मदा मैयेच्या गजराने झाला.
कार्यक्रमाला ७० -८० लोकांची उपस्थिती होती. अतिशय उत्साहात ते सगळे स्तोत्र पठणात सहभागी झाले. आपल्या ग्रंथांच्या विक्रीचा काउंटरही तिथे उपस्थितांच्या अवलोकनार्थ लावण्यात आला होता आणि त्याला प्रतिसादही चांगला मिळाला.
ज्ञानेश्वर माउलींच्या सुंदर मूर्ती समोर हा कार्यक्रम अतिशय उत्साहात संपन्न झाला. ठाण्यातील हा तसा पहिलाच जाहीर कार्यक्रम. सुंदर अशा सभा मंडपात, गुरुप्रतिपदेच्या दिवशी हा कार्यक्रम म्हणजे साधक भक्तांना पर्वणीच जणू! श्रीगुरूंच्या निजानंदगमनाच्या दिवशी सद्गुरु संकीर्तन, नामस्मरणात, सद्गुरु भक्तांना रममाण होता आलं, ही सद्गुरु कृपाच. असाच नित्य सेवानंद लाभो हीच परमकृपाळू सद्गुरु चरणी प्रार्थना.
||सद्गुरुचरणार्पणमस्तु||
||| नमो गुरवे वासुदेवाय ||श्री. दत्त मंदिर, माटुंगा ०३-०३-२०१८
अघोरकष्टोद्धरण स्तोत्र-प्रचार आणि प्रसार ६९ वा कार्यक्रम , माटुंगा
अघोरकष्टोद्धरण स्तोत्राच्या आणि ग्रंथाच्या प्रचार व प्रसार कार्यक्रमांतर्गत माटुंगा येथे ३ मार्च २०१८ रोजी, श्रीसद्गुरु कृपेने केंद्राचा ६९ वा कार्यक्रम संपन्न झाला. हे स्थान म्हणजे माटुंगा येथील दत्त मंदिर असून ते पूज्य श्री. साटम महाराजांचे पादुका स्थानही आहे. ह्या कार्यक्रमासाठी श्री सप्रे काका ह्यांचे मोलाचे सहकार्य मिळाले.
कार्यक्रम संध्याकाळी ४.००चा होता. नेहमीप्रमाणे नामस्मरण, श्री. स्वामी महाराजांची व अघोरकष्टोद्धरण स्तोत्राची थोडक्यात ओळख करून देणारे निवेदन, अघोरकष्टोद्धरण स्तोत्राच्या पुस्तकाच्या प्रास्ताविकाचे पाठ वाचन व परम पूज्य सद्गुरु बापट गुरुजींच्या कार्याची, त्यांच्या विविध ग्रंथांची ओळख असा र्वसमावेशक समारोप, असा नियोजित कार्यक्रम संपन्न झाला. शेवट श्री नर्मदा मैयेच्या गजराने झाला.
कार्यक्रमाला ५०-६० लोकांची उपस्थिती होती. अतिशय उत्साहात ते सगळे स्तोत्र पठणात सहभागी झाले. आपल्या ग्रंथांच्या विक्रीचा काउंटरही तिथे उपस्थितांच्या अवलोकनार्थ लावण्यात आला होता आणि त्याला प्रतिसादही चांगला मिळाला.
अतिशय सुंदर दत्त मूर्ती आणि चैतन्यमयी श्री. साटम महाराज पादुका स्थान. तो दिवस होता सदेह वैकुंठ गमन करणाऱ्या श्री. तुकाराम महाराजांच्या पुण्यतिथीचा(तुकाराम बीज), परम पूज्य श्री. भाऊ महाराज करंदीकर ह्यांच्या पुण्यतिथीचा, आणि श्री. साटम महाराजांच्या पुण्यतिथीचा. उत्कृष्ट योग म्हणतात ना तो हाच! सत्पुरुषांच्या पुण्यतिथीला सद्गुरु संकीर्तनाचा योग म्हणजे साधकांसाठी पर्वणीच. सद्गुरु ही केवलम् !
योग उत्तम लक्षुनी, भक्तजन तुष्ट्विला
पुण्यतिथीच्या शुभदिनी, साधकजन सेवविला
ऐशा सद्गुरु कृपेनी, सर्वां परमानंद देवविला .
|| सद्गुरुचरणार्पणमस्तु ||
नमो गुरवे वासुदेवाय ||श्री. राम मंदिर, विरार २३-०३-२०१८
हरि ॐ
अघोरकष्टोद्धरण स्तोत्र-प्रचार आणि प्रसार ७० वा कार्यक्रम , अर्नाळा राममंदिर
अघोरकष्टोद्धरण स्तोत्राच्या आणि ग्रंथाच्या प्रचार व प्रसार कार्यक्रमांतर्गत विरार येथे २३ मार्च २०१८ रोजी, श्रीसद्गुरु कृपेने केंद्राचा ७० वा कार्यक्रम संपन्न झाला. हे स्थान म्हणजे अर्नाळा, आगाशी येथील श्री. राम मंदिर. ह्या कार्यक्रमासाठी मंदिराचे ट्रस्टी श्री. सामंत ह्यांचे मोलाचे सहकार्य कार्यक्रमासाठी मिळाले. कार्यक्रमाला १००-१२० लोकांची उपस्थिती होती. अतिशय उत्साहात ते सगळे स्तोत्र पठणात सहभागी झाले.
श्रीरामांच्या नवरात्रीचे दिवस, आणि त्यात श्रीराम मंदिरात अघोरकष्टोद्धरण स्तोत्राचा कार्यक्रम, किती सुंदर योग ! आठवडाभर चालत असलेल्या कीर्तनाने मंदिरात सगळीकडे आधीपासूनच चैतन्य आणि उर्जा जाणवत होती. अशा सुंदर वातावरणात श्रीरामांच्या सुंदर विलोभनीय मूर्तीसमोर अघोर कार्यक्रम उत्तमरित्या संपन्न झाला. भक्तीयुक्त असा श्रोतृ वर्गही मनापासून कार्यर्क्रमात सहभागी झाला होता.
आपल्या ग्रंथांच्या विक्रीचा काउंटरही तिथे उपस्थितांच्या अवलोकनार्थ लावण्यात आला होता आणि त्याला प्रतिसादही चांगला मिळाला.
रामच करता, राम करविता, ऐशा सद्गुरुरामाच्या चरणी एकच विनंती,
अशीच सेवा सदैव घडो, सद्गुरूचरणी अखंड निष्ठा जडो, असेच पाउल पुढे पडो !!
||सद्गुरुचरणार्पणमस्तु||
|| नमो गुरवे वासुदेवाय ||श्री. रामदासबाबा समाधी मंदिर, इगतपुरी २२-४-२०१८
अघोरकष्टोद्धरण स्तोत्र-प्रचार आणि प्रसार ७१ वा कार्यक्रम , इगतपुरी
सद्गुरु कृपेने इगतपुरी येथील प.पू. रामदास बाबांच्या चरणी गुरुसेवा सादर करण्याचा योग २२ एप्रिल २०१८ रोजी आला. प.पू. (टेंबे) स्वामी महाराज विरचित अघोरकष्टोद्धरण स्तोत्राच्या प्रचार आणि प्रसारार्थ हा कार्यक्रम संपन्न झाला. प.पू. श्री रामदास बाबांच्या पुण्यतिथी सोहळ्याचे आयोजन करण्यात आले होते, त्यात सेवेची संधी मिळाली होती. ह्यासाठी श्री. अतुल धर्माधिकारी व डॉ. सोंडकर ह्यांचे सहकार्य लाभले.
आम्ही एकूण १५-१६ साधक सेवेला उपस्थित होतो. अतिशय शांत, भव्य,सुंदर समाधी मंदिर. आसपासचा मोकळा परिसर वैशाख तडाख्याने रुक्ष वाटत होता, परंतु आत शिरताच सद्गुरुंच्या चैतन्याच्या, मायेच्या ओलाव्यामुळे आल्हादायक वाटले.
प.पू. रामदासबाबा आणि त्यांचे शिष्य प.पू. सद्गुरु घारपुरे साहेबांची पुण्यतिथी एकत्रच आहे. त्यांची माहिती ऐकत असताना संत तुकारामांच्या अभंगातील ओवी आठवली...
‘सद्गुरुंच्या संगे शिष्य बि-घडला
जो जो बि-घडला सद्गुरुची झाला’,
असा काहीसा प्रकार ह्या दोन सत्पुरुषांबद्द्ल म्हणता येईल. अशा स्थानी प्रचार कार्यक्रम अत्यंत उत्साहात संपन्न झाला. आपल्या सद्गुरुंसारखं होण्याची इच्छा प्रत्येक साधकाची असली पाहिजे, निदान तसे प्रयत्न तरी केले गेले पाहिजेत, असा विचार मनामध्ये घोळत राहिला.
ह्या दोन्ही सत्पुरुषांचे आशीर्वाद आम्हाला लाभले ज्यामुळे पुढील प्रचार आणि प्रसाराला निश्चितच अधिक गती प्राप्त होऊ शकेल ह्याची खात्री पटली.
|| सद्गुरुचरणार्पणमस्तु ||
|| नमो गुरवे वासुदेवाय ||ठाणे वृत्तांत २६-०५-२०१८
अघोरकष्टोद्धरण स्तोत्र पठण तथा प्रतीक हवन
(प्रचार आणि प्रसार ७२ वा कार्यक्रम , ठाणे)
परमपूज्य सद्गुरु श्री बापट गुरुजी ह्यांनी केलेली दोन महत्त्वाची कार्य म्हणजे प.प. श्रीमद् वासुदेवानंद सरस्वती स्वामी महाराज ह्यांच्या कार्याचा प्रचार आणि प्राचीन यज्ञ साधनेचे आधुनिक काळाला अनुसरून साधन स्वरूपात पुनरुज्जीवन. परमपूज्य सद्गुरुंच्या वाङ्मय संपदेचा प्रचार आणि प्रसार होण्यासाठी श्री सद्गुरुंच्या शिष्य-साधकांतर्फे महाराष्ट्रात आणि महाराष्ट्राबाहेरही अघोरकष्टोद्धरण स्तोत्र व ग्रंथ प्रचार आणि प्रसाराचे कार्यक्रम गेले दोन वर्षांपासून श्री सद्गुरुंच्या आज्ञेने आणि प्रेरणेने घेतले जातात. आजवर जवळ जवळ ७० हून अधिक कार्यक्रम संपन्न झाले आहेत. स्तोत्र आणि ग्रंथ प्रचाराबरोबर यज्ञाचा प्रचार प्रसार करता आला पाहिजे अशी सर्व साधकांची सद्गुरुंच्या चरणी सतत विनंती गेले काही दिवस होती. ह्याच इच्छेचं प्रत्यक्ष साकार रूप म्हणजे अघोरकष्टोद्धरण स्तोत्र प्रतीक हवन संकल्पनेला ७० कार्यक्रमांनंतर मिळालेली चालना. प.प श्रीमद् वासुदेवानंद सरस्वती टेंबे स्वामींच्या पुण्यतिथी दिवशी प्रथम हवन घेण्याचे ठरले. मात्र त्यासाठी सर्व प्रथम सराव हवन घेण्यासाठी स्थळ निवडले ते म्हणजे एका ज्येष्ठ साधकांच्या ठाणे येथील इमारतीचे आवर जिथे सद्गुरुंनी ह्यापूर्वी यज्ञ कार्यक्रम घेतला होता. २६ मे २०१८ रोजी म्हणजेच अधिक मासातील द्वादशीला सद्गुरु कृपेने, पू. आईंच्या उपस्थितीत उत्तमरीत्या, उत्तम योगावर हा अघोर प्रतीक हवनाचा सराव कार्यक्रम संपन्न झाला.
सुरुवातीला यजमानांच्या हस्ते यज्ञवेदीचे पूजन, दशदिशा पूजन, यज्ञ प्रज्वलन झाले. राष्ट्रकल्याणच्या प्रार्थनेने हवनाला सुरुवात झाली. नंतर अघोरकष्टोद्धरण स्तोत्राबाद्द्ल आणि यज्ञ साधनेबद्दल थोडक्यात पण महत्वाची माहिती देत सामुहिक अघोर स्तोत्र पठण आणि हवन करवून घेतले गेले. सद्गुरुंचा व त्यांच्या कार्याचा परिचय झाल्यावर पूर्णाहुती व आशीर्वाद मंत्रांनी यज्ञाची सांगता झाली.
उपस्थित सगळ्यांच्या मनात एका वेगळ्याच समाधानाची आणि आनंदाची लहर तरळत होती. पू. आईंच्या उपस्थितीमुळे अधिक हुरूप आणि उत्साह संचरला होता हे निश्चित. ‘अधिकस्य अधिक: फलम’ ह्या उक्ती प्रमाणे फलाची अपेक्षा गृहीत न धरता, सगळ्यांना अधिक परिश्रमांची, अधिक जबाबदारीची अधिक जाणीव झाली. हे सेवा कार्य अधिक जोमाने श्री. सद्गुरु करवून घेवोत अशी प्रार्थना सर्वांनी यज्ञ साक्षीने केली!
||सद्गुरुचरणार्पणमस्तु||
|| नमो गुरवे वासुदेवाय ||यावली वृत्तांत, ०५-०६-२०१८
अघोरकष्टोद्धरण स्तोत्र प्रचार आणि प्रसार ७४ वा कार्यक्रम , यावली, सोलापूर
सोलापूर जिल्ह्यात मोहोळ जवळ यावली हे गाव आहे. तेथील श्री क्षेत्र आनंदवाडीतील आनंदाश्रमात श्री. अरविंद काका महाराजांच्या चरणी अघोरकष्टोद्धरण स्तोत्राचा कार्यक्रम परम पूज्य सद्गुरु बापट गुरुजींच्या कृपा आशीर्वादाने संपन्न झाला. ह्यासाठी श्री. सेवकराम ह्यांचे सहकार्य लाभले. श्री अरविंद काका महाराजांच्या पुण्यतिथी सोहळ्यात ह्या सेवा संधीचा योग जुळून आला होता. प्रत्येक कार्यक्रम हा सद्गुरु प्रेरणेनेच होतो तरी पण काही योग हे अतिदुर्मिळ असतात आणि त्यापैकी आनंदाश्रम हा एक अतिदुर्मिळ योग.
बाहेरुन कल्पनाही येणार नाही इतकं हे स्थान भव्य आहे आणि तिथे अखंड २४*७ सत्कर्म चालू आहे. श्री सद्गुरु अरविंद काका आणि सद्गुरु श्री बापट गुरुजींच्या कार्यात आणि शिकवणीत विलक्षण साम्य आहे. नाम साधना आणि यज्ञ साधना यांचा प्रचार दोन्ही सत्पुरुषांनी केला. अति भव्य यज्ञवेदी, सुरेख दत्त मंदिर, समाधी मंदिर, गो शाळा इत्यादी सुरेख उभारलं आहे. सुरु असलेल्या अखंड हवनामुळे इथे जणू चैतन्याचा स्रोतच आहे. श्री. अरविंद काका महाराज येणाऱ्या प्रत्येक साधकाच्या अडचणींवर परिमार्जन करायला सांगत, म्हणजेच त्याच्याकडून हवन करवून घेत.
कार्यक्रमाची सुरुवात नामस्मरणाने तबला पेटीच्या साथीने खूप जोशात झाली. उपस्थित श्रोतृ वर्ग जिज्ञासू असल्याने एकाग्रचित्ताने श्रवण करत होते व ते स्तोत्र पठणातही सहभागी झाले.
कार्यक्रमानंतर आरती सोहळ्याचा आनंदही मंत्रमुग्ध करणारा होता. ओम श्री राम जय राम जय जय रामाच्या गजरात सगळेच तल्लीन झाले होते. वातावरणातील स्पंदने सद्गुरुंच्या अस्तित्वाची जाणीव करवून देत होती.
समारोपाच्या वेळी ह्या स्थानाचे सद्य प्रमुख श्री. सेवकरामजी म्हणाले की, “आनंदाश्रम हा कोणताही संप्रदाय नसून तो एक संस्कार आहे. आपल्याला जन्मानंतर मिळालेल्या नामाचा संस्कार कोणीही अमान्य करत नाही, म्हणजे संस्कार टिकतात कारण संस्कार मनावर होतात. आणि म्हणूनच संस्कार महत्वाचा आणि ते संस्कारच आपल्याकडून अशा स्वरूपाचं सत्कर्म करून घेतो, अशा स्वरूपाची सेवा घडवून घेतो. आज जी झालेली सेवा आहे ती गुरुदेवांच्या चरणी अर्पण. आपण सर्व जण अतिशय आनंदाने आलात. इथल्या उपलब्धेनुसार सेवा केली. साधक असाच असतो जो साधा असतो. आपल्या कडील जे चांगलं आहे ते दुसऱ्याला द्यावं, दुसऱ्याचं चांगलं घ्यावं आणि जे दोषयुक्त आहे ते हवन कुंडामध्ये समर्पित करावं.” श्री सेवकरामजी ह्यांनी श्री सद्गुरुंच्या सर्व ग्रंथांचा एक संच त्यांच्या येथील वाचनालयासाठी घेतला.
||सद्गुरुचरणार्पणमस्तु||
|| नमो गुरवे वासुदेवाय ||अकलूज वृत्तांत ०३-०६-२०१८
अघोरकष्टोद्धरण स्तोत्र प्रचार आणि प्रसार ७३ वा कार्यक्रम , अकलूज, सोलापूर
प.पू. काका महाराज ढेकणे ह्यांनी स्थापन केलेल्या पादुका स्थानावर, म्हणजेच गुरुमाउली साधना मंदिर नवचरी, अकलूज, सोलापूर येथे प.पू. वासुदेवानंद सरस्वती (टेंबे) स्वामी महाराज विरचित अतिशय प्रभावशाली अशा अघोरकष्टोद्धरण स्तोत्राच्या प्रचार आणि प्रसाराचा ७३वा कार्यक्रम सद्गुरु कृपेने संपन्न झाला.
ह्या स्थानाचे संस्थापक डॉ. जामदार ह्यांची स्वामी महाराजांवर आत्यंतिक श्रद्धा जिव्हाळा आहे. ते शक्तिपात दीक्षेचे अधिकारी आहेत. प्रत्यक्ष प.पू. गुळवणी महाराज ह्या स्थानी येऊन गेले आहेत. डॉ. जामदार ह्यांनी स्वतः श्री. बापट गुरुजींचे अनेक ग्रंथ अभ्यासले असल्याने त्यांना सद्गुरु बापट गुरुजींबद्दल प्रेम आणि आदर वाटतो. त्यामुळे त्यांनी पूर्वनियोजित श्री राम चरितमानसकथा सप्ताह सुरु असताना देखील हा कार्यक्रम निश्चित केला.
नियमित साधनेमुळे शांत आणि उर्जामय असा मंदिराचा परिसर जणू महाराजांच्या अस्तित्वाची जाणीव करून देत होता. अशा वातावरणात ‘दिगंबरा दिगंबरा श्रीपाद वल्लभ दिगंबरा’च्या लयीत कार्यक्रम उत्साहात सुरु झाला. महाराजांविषयी माहिती, अघोर स्तोत्राची महती, सामुहिक अघोर स्तोत्र पठण आणि सद्गुरु कार्य व ग्रंथ परिचयानंतर नर्मदा मय्येच्या गजराने कार्यक्रमाची सांगता झाली. उपस्थित श्रोतृ वर्गही अघोरची महती जाणून स्तोत्र पठणात एकाग्र झाले होते. एकूणच कार्यक्रमामुळे वेगळ्याच अध्यात्मिक आनंदाची पखरण निश्चितच झाली होती.
समारोपाच्या वेळी डॉ. जामदार म्हणाले, “ गुरुवर्य श्री. बापट गुरुजींच्या मुखातलं सारं अमृतच इथे सांगणं म्हणून घेऊन आला आहात आणि ह्या सांगण्यामध्ये आज ‘आनंदाचे डोही आनंद तरंग’ असा लाभ झाला आहे. बापट महाराजांचे अशा दृष्टीने धन्यवाद मानतो की त्यांनी गंगा स्रोत, यमुना स्रोत, आणि सरस्वती स्रोत हा सगळा ह्या ठिकाणी आणला आणि आपल्याला उपलब्ध करून दिला आहे. मी असं म्हणतो की जरी आम्ही इथे दैनंदिन हे स्तोत्र म्हणत असू पण ह्या स्तोत्रातला गुढार्थ हा खऱ्या अर्थाने आम्हला समजावून सांगितला आणि तोही निस्वार्थपणे. हाच भाव आम्हाला प.प.टेंबे स्वामींच्या भावासक्ती मध्ये रममाण करणारा आहे. ह्यासाठी सगळ्यांचे धन्यवाद, श्री बापट गुरुजींचे कृपाआशीर्वाद सतत असो हेच मागणं गुरुतत्वाकडे आहे”.
||सद्गुरुचरणार्पणमस्तु||
.jpg)
|| नमो गुरवे वासुदेवाय ||
अचलपूर वृत्तांत, २८-०६-२०१८
अघोरकष्टोद्धरण स्तोत्र प्रचार आणि प्रसार ७५ वा कार्यक्रम , अचलपूर, अमरावती
अमरावती जिल्ह्यात अचलपूर येथील बिलनपुरा येथील श्री. पाताळेश्वर मंदिरात प. पू. (टेंबे) स्वामी महाराज विरचित अघोर स्तोत्राचा ७५ वा कार्यक्रम परम पूज्य सद्गुरु बापट गुरुजींच्या कृपा-आशीर्वादाने संपन्न झाला. ह्यासाठी अमरावतीच्या सौ. रेणुकाताई देशमुख ह्यांचे सहकार्य लाभले. उपस्थित जन हे श्री. विष्णुदास महाराज साधना केंद्राचे साधक होते. केंद्राच्या द्वितीय वर्धापना निमित्त अघोर स्तोत्र कार्यक्रम आयोजित करण्यात आला होता.
अतिशय पुरातन, सुंदर अशा पाताळेश्वराच्या मंदिरात अघोर स्तोत्राचा कार्यक्रम संध्याकाळी ७.०० – ९.०० ह्या वेळेत होता. नामस्मरणाने कार्यक्रम जोशात सुरु झाला. महाराजांविषयी माहिती, अघोर स्तोत्राची महती, सामुहिक अघोर स्तोत्र पठण आणि सद्गुरु कार्य व ग्रंथ परिचयानंतर नर्मदा मय्येच्या गजराने कार्यक्रमाची सांगता झाली. उपस्थित श्रोतृ वर्गही अघोरची महती जाणून स्तोत्र पठणात एकाग्र झाले होते. एकूणच कार्यक्रमामुळे वेगळीच अध्यात्मिक उर्जा जाणवत होती.
पावसामुळे जिथे जागा मिळेल तिथे उभे राहून, बसून अनेक साधक एकाग्र होऊन श्रवण भक्ती करत होते. अघोर स्तोत्राचा गुह्यार्थ, भावार्थ थोडक्यात समजल्याने अनेकांच्या मनात अघोर ग्रंथाबद्दलही उत्सुकता होती. अनेकांनी ग्रंथही घेतले. भक्तीचा वेगळाच रंग श्री. पाताळेश्वराच्या मंदिरात अनेकांना अनुभवता आला.
|| सद्गुरुचरणार्पणमस्तु ||
|| नमो गुरवे वासुदेवाय ||
गोरेगाव वृत्तांत, १३-०७-२०१८
अघोरकष्टोद्धरण स्तोत्र प्रचार आणि प्रसार ७८ वा कार्यक्रम , गोरेगाव, मुंबई.
(प्रतीक हवन)
मुंबई पश्चिम मधील गोरेगाव उपनगरात, पांडुरंग वाडीतील मसूराश्रमात,प. पू.धर्मभास्कर श्री. विनायक महाराज मसूरकर ह्यांच्या चरणी प. पू. (टेंबे) स्वामी महाराज विरचित अघोर स्तोत्र प्रचार प्रसारातील ७८ वा कार्यक्रम अर्थात अघोरकष्टोद्धरण स्तोत्र प्रतीक हवन, परमपूज्य सद्गुरु बापट गुरुजींच्या कृपा आशीर्वादाने संपन्न झाला. ह्यासाठी सौ मसुरकर ताई आणि मासुराश्रमाचे विश्वस्त ह्यांचे सहकार्य लाभले. प.पू टेंबे स्वामी महाराजांच्या पुण्यतिथीदिवशी अघोर प्रतीक हवनाचा योग जुळून आला होता.
हिंदू धर्म, संस्कृती, समाज, व राष्ट्र उभारणीसाठी, संरक्षांसाठी व संवर्धनासाठी सर्व आयुष्याचा होम करून ६७ व्या वर्षी पंचतत्वात विलीन झालेल्या श्री स्वामीजी विनायक महाराज मसूरकर ह्यांच्या आश्रमात अतिशय सुंदर, शांत आणि शिस्तबद्ध स्वरुपात सायंकाळी ४-०० – ७.०० ह्या नियोजित वेळेत हा कार्यक्रम संपन्न झाला.
यजमानांकडून संकल्प करून घेऊन कार्यक्रमाची सुरुवात झाली. यज्ञवेदीची पूजा, दश दिशांचे पूजन, आणि मग गायत्री मंत्राच्या जयघोषात यज्ञ प्रज्वलन करण्यात आले. त्यानंतर राष्ट्रकल्याण प्रार्थना, आवाहन मंत्रांनंतर स्वामी महाराज परीचय, अघोर स्तोत्र अनवयार्थ, मग प्रत्यक्ष अघोर स्तोत्र पठण आणि हवन, अशा प्रकारे क्रमाक्रमाने शिस्तबद्ध पद्धतीने उपस्थित भक्तांकडून हवन करवून घेण्यात आले. शेवटी सद्गुरु परिचय, नर्मदा मैय्या गजर, पूर्णाहुती, आशीर्वादपर दत्तात्रय स्तोत्र व शांती मंत्राने हवनाची सांगता झाली.
अतिशय चैतन्यमयी उर्जा लहरींनी भरलेल्या स्थानी प.पू स्वामी महराजांच्या पुण्यतिथीच्या शुभदिनी अघोरकष्टोद्धरण स्तोत्र पठण आणि हवन म्हणजे अद्वीतीय असा अमृत योगच म्हणावा लागेल. उपस्थित श्रोतृवर्गही जाणकार असल्याकारणाने भावपूर्ण एकाग्रतेने श्रवण, मनन व हवनात सहभागी झाला. अनेकांनी कार्यक्रमाची प्रशंसाही केली. एकूणच कार्यक्रम, त्यातील शिस्त, त्यातील विभागीय नियोजित जबाबदाऱ्या सर्व काही इतकं सहज होत होतं, ज्यामुळे कार्यक्रमाला एक देखणं वलय असल्यासारखं वाटत होतं. अशा ह्या सद्गुरु कृपेचा आनंद सगळ्यांना श्री. स्वामी महाराज पुण्यतिथीच्या दिनी अनुभवता आला हे अहोभाग्यच.
||सद्गुरुचरणार्पणमस्तु ||
|| नमो गुरवे वासुदेवाय ||
रत्नापिंपरी, अमळनेर वृत्तांत, २०-०८-२०१८
अघोरकष्टोद्धरण स्तोत्र प्रचार आणि प्रसार ७९ वा कार्यक्रम , रत्नापिंपरी, अमळनेर
जळगाव जिल्ह्यातील पारोळा तालुक्यात रत्नापिंपरी नावाच्या छोट्याशा गावात प.पू. श्री. माणिकस्वामींच्या आश्रमात, संत कवी पूज्य श्री पूर्णानंद स्वामींच्या पुण्यतिथी दिवशी प. पू. (टेंबे) स्वामी महाराज विरचित अघोर प्रतिक हवनाचा ७९वा कार्यक्रम सद्गुरु श्री बापट गुरुजींच्या कृपा आशीर्वादाने संपन्न झाला. ह्यासाठी माणिक स्वामी आश्रमाचे श्री. सोनार सर, श्री. रामभाऊ मराठे ह्यांचे सहकार्य लाभले. श्री. पूर्णानंद स्वामींच्या प्रथम पुण्यस्मरण दिनी हा योग सद्गुरुतत्वाने जुळवून आणला हे विशेष. ह्या आधीही ह्याच स्थानी २०१५ साली नोव्हेंबर महिन्यात अघोर स्तोत्राचा ६वा कार्यक्रम प.पू. श्री. भाऊस्वामी उर्फ पूर्णानंद स्वामीच्या उपस्थितीत संपन्न झाला होता. श्री.भाऊंच्या प्रेमळ सहवासातले ते काही क्षण अजूनही मनात घर करून आहेत. प. पू सद्गरु श्री. बापट गुरुजी आणि श्री. भाऊ स्वामी हे प्रत्यक्षात एकमेकांना कधीच भेटले नव्हते, परंतु त्या दोघांमधील पत्र व्यव्हाराद्वारे, ग्रंथांमुळे त्यांच्यात स्नेह बंध होते. ह्याच स्नेह बंधांमुळे की काय, दोन्ही गुरुसाधकांमध्येही ही आपुलकी तितक्याच प्रमाणात जाणवत होती.
अतिशय सुंदर, शांत असं स्थान. तीनही बाजूंनी शेतातली डोलणारी पिकं आणि सततच्या गायत्री साधनेमुळे वातावरण प्रसन्न आणि अल्हादायी होतं. सकाळी ७.३० -१०.३० ह्या वेळेत अघोर प्रतिक हवन कार्यक्रम उत्तमरीत्या संपन्न झाला. यजमानांकडून संकल्प करून घेऊन कार्यक्रमाची सुरुवात झाली. यज्ञवेदीची पूजा, दश दिशांचे पूजन, आणि मग गायत्री मंत्राच्या जयघोषात यज्ञ प्रज्वलन करण्यात आले. त्यानंतर राष्ट्रकल्याण प्रार्थना, आवाहन मंत्रांनंतर स्वामी महाराज परीचय, अघोर स्तोत्र अनवयार्थ, मग प्रत्यक्ष अघोर स्तोत्र पठण आणि हवन, अशा प्रकारे क्रमाक्रमाने शिस्तबद्ध पद्धतीने उपस्थित भक्तांकडून हवन करवून घेण्यात आले. पूर्णाहुती, आशीर्वादपर दत्तात्रय स्तोत्र, श्री. गुरुस्तुति, व शांती मंत्रानंतर नर्मदा मय्येचा गजर व सद्गुरु परिचयाने अघोर प्रतिक हवनाची सांगता झाली.
हा प्रांत तसा दुष्काळ ग्रस्तच, पण सकाळ पासूनच वरुणराजाची चाहूल होती. पूर्णाहुती झाल्यानंतर मात्र वरूण राजाने जोरदार हजेरी लावली, ही सद्गुरु कृपाच. कार्यक्रमाच्या समारोपाच्या वेळी तिथले प्रमुख अतिथी म्हणाले, ‘श्री. बापट गुरुजींचा भक्त परिवार इथे आला आणि अतिशय सुंदर मंत्रोच्चार एका विशिष्ट पद्धतीने करून त्यांनी आमच्या सगळ्यांकडून हवन करून घेतलं. भाऊ नेहमी सांगायचे की, आपण फक्त आपलाच मार्ग स्वीकारायचा नाही. जे जे चांगलं आहे ते सर्व आपण घेतलं पाहिजे, गुणग्राहकता आपल्यामध्ये असली पाहिजे. आपण वेगवेगळ्या संस्थेच्या लोकांना बोलावून त्यांच्याकडून जे शिकण्यासारखे आहे ते निश्चित घेतलं पाहिजे. ज्याप्रमाणे सगळ्या नद्या सागराला जाऊन मिळतात तसाच भाग आहे हा. अतिशय सुंदर नियोजन ह्या भक्त मंडळींनी इथे केलय. किती भाग्याचा योग की, ज्या स्तोत्राचा लाखाच्यावर जप भाऊंनी केला त्याच स्तोत्राचा ६ वा कार्यक्रम भाऊस्वामी असताना इथे झाला आणि आता भाऊंच्या प्रथम पुण्यस्मरण दिनी ह्याच स्तोत्राचा ७९वा कार्यक्रम इथे होत आहे ह्याचा आम्हाला खूपच आनंद आहे.”
काय वर्णावा तो पुण्य सोहळा
सकळा होतसे हर्ष निराळा
पाहता भक्तीचा आनंद मेळा
एकच मना वाटे अनेक वेळा
ह्याच साठी केला मी हट्ट वेगळा
सेवेत सद्गुरो तुझ्या फुलो मुक्तीचा मळा ||
||सद्गुरुचरणार्पणमस्तु ||
|| नमो गुरवे वासुदेवाय ||
रत्नागिरी वृत्तांत, २५-०८-२०१८
अघोरकष्टोद्धरण स्तोत्र प्रचार आणि प्रसार 80 वा कार्यक्रम , रत्नागिरी
रत्नागिरी जिल्ह्यात पूज्य श्री श्रीधर स्वामी ह्यांच्या पादुका स्थानी म्हणजे श्री. मराठे ह्यांच्या मंगल कार्यालयात प. पू. (टेंबे) स्वामी महाराज विरचित अघोर स्तोत्राचा ८०वा कार्यक्रम परम पूज्य सद्गुरु श्री बापट गुरुजींच्या कृपा आशीर्वादाने उत्तमरित्या संपन्न झाला. ह्यासाठी श्री. मराठे व श्री. दिगंबर जोशी काका ह्यांचे मोलाचे सहकार्य लाभले. हे स्थान जरी गुरुकृपा मंगल कार्यालय असले तरी श्री. मराठे ह्यांच्या घरचाच एक भाग होता. त्यांच्या घरी प. पू. श्रीधर स्वामींचे वास्तव्य होते. सतत कुठल्या ना कुठल्या प्रकारे संत सेवा ह्या घराण्याकडून अनेक वर्ष होत आली आहे आणि म्हणूनच की, काय अशा पावन स्थानी अघोर स्तोत्राचा कार्यक्रम नारळी पौर्णिमेच्या योगावर निश्चित झाला.
कार्यक्रमाची वेळ सायंकाळी ५.०० ची होती. ‘दिगंबरा दिगंबरा श्रीपाद वल्लभ दिगंबरा’ आणि ‘श्री राम जय राम जय जय राम’ नामस्मरणाने अतिशय सुंदर सुरुवात झाली. त्यानंतर स्वामी महाराजांविषयी माहिती, अघोर स्तोत्रावरील विवरण, सामुहिक अघोर स्तोत्र पठण आणि सद्गुरु कार्य व ग्रंथ परिचयानंतर नर्मदा मय्येच्या गजराने कार्यक्रमाची सांगता झाली. सगळेच अतिशय एकाग्र होऊन श्रवण करत होते व त्यानंतर झालेल्या स्तोत्र पठणात उत्साहात सहभागी झाले. कार्यक्रमाला आलेली मंडळी स्तोत्रातील ज्ञान करून घेण्यास उत्सुक वाटत होती. अघोर आणि घोर ह्याविषयी काहींना कुतूहल होतं, त्याचाही खुलासा कार्यक्रमाच्या माध्यमातून झाला.
कार्यक्रमानंतर श्री. मराठे म्हणाले की, “ कार्यक्रम फारच छान झाला. सगळी मंडळी आप आपली सेवा उत्तम बजावत होती. कार्यक्रमाचे नियोजन, त्याचा ढाचा सुरेख होता. रोजची माझी साधना चालूच असते पण अनेक व्याप, अडचणींमुळे मला अलीकडे झोप लागत नव्हती. श्रीधर स्वामी, टेंबे स्वामी ह्यांची विशेष कृपा ह्या घरावर आहे, त्यामुळेच की, काय मला अघोर स्तोत्र म्हणण्याची इच्छा झाली. रोज रात्री मी हे स्तोत्र ११ वेळा म्हणायला सुरुवात केली आणि काही दिवसातच शांत झोप लागायला लागली. योगायोग पहा ह्याच दरम्यान श्री. दिगंबर जोशींच्या मार्फत आपल्या साधकाचा अघोर स्तोत्रावरील कार्यक्रमासंबंद्धी फोन आला. कार्यक्रमाद्वारे ह्या स्तोत्राविषयी अधिक ज्ञानही झालं आणि आता सावकाश गुणात्मक पठण करण्याकडे नक्कीच लक्ष देईन. ”
नारळी पौर्णिमेसारखा उत्तम योग, सत्पुरुषांच्या वास्तव्याने पुनीत झालेलं स्थान, अघोर स्तोत्र पठणामुळे उर्जेने भरून राहिलेलं वातावरण आणि गुरुसेवेचं समाधान ह्यामुळे साधक आनंदून गेले होते, हीच खरी सद्गुरु कृपा.
||सद्गुरुचरणार्पणमस्तु ||
|| नमो गुरवे वासुदेवाय ||
चिपळूण वृत्तांत, २६-०८-२०१८
अघोरकष्टोद्धरण स्तोत्र प्रचार आणि प्रसार ८१ वा कार्यक्रम , चिपळूण
चिपळूण, मार्कंडी येथील श्री स्वामी समर्थांच्या चरणी प. पू. (टेंबे) स्वामी महाराज विरचित अघोरकष्टोद्धरण स्तोत्राचा ८१ वा कार्यक्रम परम पूज्य सद्गुरु श्री बापट गुरुजींच्या कृपा आशीर्वादाने संपन्न झाला. ह्या स्थानी गेली १४४ वर्षांपासून नित्य उपासना आणि साधना आजही अव्याहतपणे सुरु आहे. ह्या स्थानी स्वामी महाराजांच्या आज्ञेने श्री. स्वामी समर्थांच्या पादुका आणि श्री. स्वामी सुतांच्या पादुका, श्री. केळकर बुवांनी स्थापन केल्या आहेत. श्री. स्वामी सुतांच्या चेंबूर येथील पादुका स्थानी केंद्राचा करुणात्रिपदी प्रचार प्रसार कार्यक्रमही २०१७ च्या गुरुपौर्णिमेला संपन्न झाला होता. अशा श्री. परशुरामांच्या पदस्पर्शाने पावन झालेल्या भूमीत श्री. स्वामी सुतांच्या पुण्यतिथीस कार्यक्रमाचा सुंदर योग सद्गुरु कृपेनेच जुळून आला होता.
कार्यक्रमाची वेळ सायंकाळी ४.३० - ६.३० होती. ‘दिगंबरा दिगंबरा श्रीपाद वल्लभ दिगंबरा’ आणि ‘श्री स्वामी समर्थ जय जय स्वामी समर्थ’ ह्या नामस्मरणाने कार्यक्रमाला सुरुवात झाली. त्यानंतर महाराजांविषयी माहिती, अघोर स्तोत्रावरील विवरण, सामुहिक अघोर स्तोत्र पठण, सद्गुरु कार्य व ग्रंथ परिचय, करुणात्रिपदी पठण आणि नर्मदा मय्येच्या गजराने कार्यक्रमाची सांगता झाली. उपस्थित श्रोतृ जनही अतिशय उत्साहात स्तोत्र पठणात सहभागी झाले होते.
मनाला हर्षवणारा श्रावण आणि त्यामुळे अधिकच सुंदर भासणाऱ्या कोकणभूमीत चैतन्याने भारलेल्या स्वामी समर्थांच्या स्थानी प्रभावशाली अशा अघोर स्तोत्राचा कार्यक्रम निश्चितच आनंद देऊन गेला.
||सद्गुरुचरणार्पणमस्तु ||
|| नमो गुरवे वासुदेवाय ||
पुणे वृत्तांत, ३० -०९-२०१८
अघोरकष्टोद्धरण स्तोत्र प्रचार आणि प्रसार ८२ वा कार्यक्रम , पुणे
पिंपळे सौदागर, पुणे येथिल श्री दत्त महाराजांच्या चरणी प. पू. (टेंबे) स्वामी महाराज विरचित अघोरकष्टोद्धरण स्तोत्राचा ८३ वा कार्यक्रम सद्गुरु श्रीबापट गुरुजींच्या कृपा आशीर्वादाने संपन्न झाला. ओम दत्त श्री. ठाकूर महाराजांच्या शुभ हस्ते स्थापित झालेल्या अतिशय सुंदर अशा दत्त मूर्ती समोर सेवा म्हणजे उत्तम योगच! अजून एक विशेष योग म्हणजे त्या दिवशी ज्ञानेश्वरी जयंती होती. ज्या प्रमाणे ज्ञानेश्वरांनी जगाच्या कल्याणासाठी भगवद्गीतेतील ज्ञान जनसामान्यांपर्यंत पोहोचवण्यासाठी ज्ञानेश्वरी लिहिली अगदी त्याचप्रमाणे श्री. बापट गुरुजींनी देखील श्री स्वामी महाराजांच्या अतिशय शक्तिशाली अशा अघोर स्तोत्रातील ज्ञान सामान्यांपर्यंत पोहोचवण्यासाठी अघोरकष्टोद्धारण स्तोत्र संपूर्ण अर्थ आणि विवचन हा ग्रंथ लिहिला. ह्या कार्यक्रमाचा सुंदर योग जुळून आणण्यासाठी श्री. पिंपळखरे काकांचे मोलाचे सहकार्य लाभले.
कार्यक्रमाची वेळ सायंकाळी ५.०० – ७.०० होती. ‘दिगंबरा दिगंबरा श्रीपाद वल्लभ दिगंबरा’ आणि ‘हे दत्त योगेश्वर वासुदेव श्रीपाद श्रीवल्लभ नारसिंह’, ह्या नामस्मरणांनी कार्यक्रमाची सुरुवात झाली. त्यानंतर महाराजांविषयी माहिती, अघोर स्तोत्रावरील विवरण, सामुहिक अघोर स्तोत्र पठण, सद्गुरु कार्य व ग्रंथ परिचय, आणि नर्मदा मय्येच्या गजराने कार्यक्रमाची सांगता झाली. उपस्थित श्रोतृ जनही अतिशय उत्साहात स्तोत्र पठणात सहभागी झाले होते.
अतिशय विलोभनीय अशी दत्त मूर्ती आणि चैतन्यमयी वातावरण आणि सश्रद्ध श्रोतृ वर्गासमोर अतिशय उत्तम आणि श्रवणीय असा अघोर कार्यक्रम संपन्न झाला. कार्यक्रमाच्या वेळी आणि कार्यक्रमानंतरही वेगळ्याच आनंदाची पखरण झालेली जाणवत होती. अनेकांनी पुन्हा अशा कार्यक्रमाला उपस्थित राहण्याची इच्छाही प्रदर्शित केली. पितृपक्षात पितरांना श्रद्धांजली वाहण्याची आपली संस्कृती आहे आणि कार्यक्रमाच्या निमित्ताने पितृपक्षात सद्गुरुंनी करवून घेतलेली सेवा म्हणजे श्रद्धांजली आणि भक्तीचा उत्तम संयोगच. अघोर स्तोत्र सेवेचा कार्यक्रम रुद्र सूक्तातील ‘शोभायै पितरोनुमदन्तु’ ह्या मंत्राला साजेसा असाच झाला.
||सद्गुरुचरणार्पणमस्तु ||
|| नमो गुरवे वासुदेवाय ||
ठाणे वृत्तांत, ४-११-२०१८
हरि ॐ
अघोरकष्टोद्धरण स्तोत्र प्रचार आणि प्रसार ८३ वा कार्यक्रम , ठाणे
रामवाडी, ठाणे येथिल श्री चव्हाण दत्त मंदिरात श्री. दत्त महाराजांच्या चरणी प. पू. (टेंबे) स्वामी महाराज विरचित अघोरकष्टोद्धरण स्तोत्राचा ८३ वा कार्यक्रम परम पूज्य सद्गुरु श्री बापट गुरुजींच्या कृपा आशीर्वादाने संपन्न झाला. श्री. गुरुद्वाद्शीच्या शुभ योगावर सद्गुरु कार्याचा प्रचार करण्याची संधी मिळणे म्हणजे साधकांसाठी निश्चितच सेवानंदाची दीपावली भेटच ठरली. ह्या कार्यक्रमासाठी सौ. रश्मी चव्हाण ताईंचे मोलाचे सहकार्य लाभले.
कार्यक्रमाची वेळ सकाळी १०.०० –१२.०० होती. ‘दिगंबरा दिगंबरा श्रीपाद वल्लभ दिगंबरा’ आणि ‘हे दत्त योगेश्वर वासुदेव श्रीपाद श्रीवल्लभ नारसिंह’ ह्या नामस्मरणांनी कार्यक्रमाची सुरुवात झाली. त्यानंतर महाराजांविषयी माहिती, अघोर स्तोत्रावरील विवरण, सामूहिक अघोर स्तोत्र पठण, सद्गुरु कार्य व ग्रंथ परिचय, आणि नर्मदा मय्येच्या गजराने कार्यक्रमाची सांगता झाली. उपस्थित श्रोतृ जनही अतिशय उत्साहात स्तोत्र पठणात सहभागी झाले होते.
अनेक दत्त भक्तांनी, दिवाळीची तयारी नंतर होईल, आधी अघोरचा कार्यक्रम काय आहे ते पाहू, अघोर स्तोत्र पठण करू, अशा विचारांनी कार्यक्रमाला हजेरी लावली होती. श्री. स्वामी महाराजांविषयी अतिशय आदर आणि जाण उपस्थीत श्रोतृ वर्गाला होती. सगळे उपस्थित भक्त अतिशय एकाग्र चित्ताने श्रवण भक्ती करीत होते. अनेकांनी तर आवर्जून सांगितले की पूज्य श्री. बापट गुरुजींचे बद्दल, त्यांच्या कार्याबद्दल मिळालेली माहिती ऐकून यज्ञ कार्यक्रमासाठी उपस्थित होण्याची इच्छा निर्माण झाली.
असं म्हणतात की गुरुद्वादशी सारख्या दिवशी सद्गुरू संकीर्तन जर घडले तर ते अधिक श्रेयस्कर असते आणि ह्याच उद्देशाने सद्गुरुतत्वाने मणी कांचन योग जुळून आणला आणि उपस्थितांना परम आंनद देऊ केला.
||सद्गुरुचरणार्पणमस्तु ||
|| नमो गुरवे वासुदेवाय ||
विरार वृत्तांत, २-१२- २०१८
हरि ॐ
अघोरकष्टोद्धरण स्तोत्र प्रचार आणि प्रसार ( प्रतीक हवन) ८४ वा कार्यक्रम , विरार.
विरार येथील पुरातन श्री. हनुमान मंदिरात, हनुमंताच्या चरणी प. पू. (टेंबे) स्वामी महाराज विरचित अघोर प्रतिक हवनाचा ८४ वा कार्यक्रम परम पूज्य सद्गुरु श्री बापट गुरुजींच्या कृपा आशीर्वादाने संपन्न झाला. ह्यासाठी श्री. नाईक काका, अध्यक्ष तसेच श्री. बळवंत पाटील ह्यांचे मोलाचे सहकार्य लाभले.
विरार, उंबरगोठण नाक्यावरील अतिशय सुंदर, शांत असं स्थान. सायंकाळी ४.०० - ७.०० ह्या वेळेत अघोर प्रतीक हवन कार्यक्रम उत्तमरीत्या संपन्न झाला. यजमानांकडून संकल्प करून घेऊन कार्यक्रमाची सुरुवात झाली. यज्ञवेदीची पूजा, दश दिशांचे पूजन, आणि मग गायत्री मंत्राच्या जयघोषात यज्ञ प्रज्वलन करण्यात आले. त्यानंतर राष्ट्रकल्याण प्रार्थना, आवाहन मंत्रांनंतर स्वामी महाराज परीचय, अघोर ग्रंथावर आधारित स्तोत्र विवरण, मग प्रत्यक्ष अघोर स्तोत्र पठण आणि हवन, अशा प्रकारे क्रमाक्रमाने शिस्तबद्ध पद्धतीने उपस्थित भक्तांकडून हवन करवून घेण्यात आले. त्यानंतर स्वामी महाराज रचित ‘अंजनी सुता रुद्रावतारा, जय रामदूता भाव भय वारा’ हे नामस्मरण घेऊन मय्येचा गजर झाला. मग सद्गुरु परिचय व ग्रंथ परिचय, पूर्णाहुती, आशीर्वादपर दत्तात्रय स्तोत्र व शांती मंत्रानंतर अघोर प्रतीक हवनाची सांगता झाली.
पुरातन श्री. हनुमान मंदिरात ह्या प्रतीक हवनामुळे अतिशय उर्जामय वातावरण निर्माण झाले होते. उपस्थितांना सर्वसमावेशक आणि ज्ञानाधारित हवन संकल्पनेबद्दल उत्सुकता वाटत होती. हवन झाल्यानंतर अनेकांनी हवनामुळे आनंद व समाधान मिळाल्याच्या प्रतिक्रिया व्यक्त केल्या. एकंदरीत प्रतीक हवनाचा सोहळा अतिशय शिस्तबद्ध, देखणा, श्रवणीय आणि आनंददायी होता.
||सद्गुरुचरणार्पणमस्तु ||
|| नमो गुरवे वासुदेवाय ||
विरार वृत्तांत, २-१२- २०१८
हरि ॐ
अघोरकष्टोद्धरण स्तोत्र प्रचार आणि प्रसार ( प्रतीक हवन) ८४ वा कार्यक्रम , विरार.
विरार येथील पुरातन श्री. हनुमान मंदिरात, हनुमंताच्या चरणी प. पू. (टेंबे) स्वामी महाराज विरचित अघोर प्रतिक हवनाचा ८४ वा कार्यक्रम परम पूज्य सद्गुरु श्री बापट गुरुजींच्या कृपा आशीर्वादाने संपन्न झाला. ह्यासाठी श्री. नाईक काका, अध्यक्ष तसेच श्री. बळवंत पाटील ह्यांचे मोलाचे सहकार्य लाभले.
विरार, उंबरगोठण नाक्यावरील अतिशय सुंदर, शांत असं स्थान. सायंकाळी ४.०० - ७.०० ह्या वेळेत अघोर प्रतीक हवन कार्यक्रम उत्तमरीत्या संपन्न झाला. यजमानांकडून संकल्प करून घेऊन कार्यक्रमाची सुरुवात झाली. यज्ञवेदीची पूजा, दश दिशांचे पूजन, आणि मग गायत्री मंत्राच्या जयघोषात यज्ञ प्रज्वलन करण्यात आले. त्यानंतर राष्ट्रकल्याण प्रार्थना, आवाहन मंत्रांनंतर स्वामी महाराज परीचय, अघोर ग्रंथावर आधारित स्तोत्र विवरण, मग प्रत्यक्ष अघोर स्तोत्र पठण आणि हवन, अशा प्रकारे क्रमाक्रमाने शिस्तबद्ध पद्धतीने उपस्थित भक्तांकडून हवन करवून घेण्यात आले. त्यानंतर स्वामी महाराज रचित ‘अंजनी सुता रुद्रावतारा, जय रामदूता भाव भय वारा’ हे नामस्मरण घेऊन मय्येचा गजर झाला. मग सद्गुरु परिचय व ग्रंथ परिचय, पूर्णाहुती, आशीर्वादपर दत्तात्रय स्तोत्र व शांती मंत्रानंतर अघोर प्रतीक हवनाची सांगता झाली.
पुरातन श्री. हनुमान मंदिरात ह्या प्रतीक हवनामुळे अतिशय उर्जामय वातावरण निर्माण झाले होते. उपस्थितांना सर्वसमावेशक आणि ज्ञानाधारित हवन संकल्पनेबद्दल उत्सुकता वाटत होती. हवन झाल्यानंतर अनेकांनी हवनामुळे आनंद व समाधान मिळाल्याच्या प्रतिक्रिया व्यक्त केल्या. एकंदरीत प्रतीक हवनाचा सोहळा अतिशय शिस्तबद्ध, देखणा, श्रवणीय आणि आनंददायी होता.
||सद्गुरुचरणार्पणमस्तु ||
|| नमो गुरवे वासुदेवाय ||
आळंदी वृत्तांत, २०-१-२०१९
हरि ॐ
अघोरकष्टोद्धरण स्तोत्र प्रचार आणि प्रसार ८५ वा कार्यक्रम , आळंदी
आळंदी येथील श्री. नृसिंह सरस्वती स्वामी महाराजांच्या (संजीवन) समाधी स्थानी प. पू. (टेंबे) स्वामी महाराज विरचित अघोरकष्टोद्धरण स्तोत्राचा ८५ वा कार्यक्रम परमपूज्य सद्गुरु श्री बापट गुरुजींच्या कृपा आशीर्वादाने संपन्न झाला. आळंदीचे स्वामी ह्या नावाने सुप्रसिद्ध असलेल्या नृसिंह स्वामींवर अक्कलकोटच्या स्वामी महाराजांचा अनुग्रह होता. त्यांनी आळंदी येथील वार्काकी समाजात नवचैतन्य निर्माण केले. महर्षी अण्णासाहेब पटवर्धन ह्यासारखा त्यांचा शिष्यवर्ग सुद्धा पुढे प्रसिद्धीस आला. पौष पौर्णिमेला श्री. नृसिंह सरस्वती स्वामी महाराजांचा पुण्यतिथी उत्सव असतो. ह्यावर्षीच्या १००व्या पुण्यतिथी उत्सवात अघोर स्तोत्राचा कार्यक्रम आयोजित करण्यात आला होता. ह्या कार्यक्रमासाठी संस्थेचे सर्व ट्रस्टी आणि विशेषतः श्री दिडोळकर काका ह्यांचे मोलाचे सहकार्य लाभले.
आपल्या संस्कृतीत शाकंभरी नवरात्र विशेष असते. त्यात शाकंभरी पौर्णिमा(पौष पौर्णिमा) म्हणजे उत्तम योग. ज्याप्रमाणे हेमंत ऋतूतल्या बदलांचे, सूर्याच्या संक्रमणाचे औत्सुक्य असते त्याप्रमाणेच २०१९ मधील पहिला वाहिला कार्यक्रम देवाच्या आळंदीत सादर करायला मिळणे हा भाग्ययोग होता. सद्गुरुंचे संकीर्तन करून सत्शक्तीचे संक्रमण होण्यासाठी सगळे स्वयंसेवक-साधक उत्सुक होते. स्थानावर पोहोचताच श्री. नृसिंह सरस्वती स्वामी महाराजांच्या संजीवन समाधीचे चैतन्य तुषार सगळ्यांवर जणू प्रौक्षित होत होते.
कार्यक्रम वेळेत म्हणजे १०.०० वाजता ‘दिगंबरा दिगंबरा श्रीपाद वल्लभ दिगंबरा’ आणि ‘जय जय रामकृष्ण हरी’, ह्या नामस्मरणांनी सुरु झाला. त्यानंतर महाराजांविषयी माहिती, अघोर स्तोत्रावरील विवरण, सामुहिक अघोर स्तोत्र पठण, सद्गुरु कार्य व ग्रंथ परिचय, आणि नर्मदा मय्येच्या गजराने कार्यक्रमाची सांगता झाली. ‘नमो गुरवे वासुदेवाय’ हा नामजपाच्या वेळी श्री. नृसिंह सरस्वती स्वामी महाराजांना पंचामृताचा अभिषेक सुरु होता, ज्यामुळे सर्व साधकांना विशेष समाधान वाटले. पुन्हा एकदा गुरुतत्व सर्वत्र एकच आहे ह्याचा प्रत्यय आला. उपस्थित श्रोतृ जनही अतिशय उत्साहात स्तोत्र पठणात सहभागी झाले होते. अनेकांनी अशा प्रतिक्रिया दिल्या की अघोर स्तोत्र तर आम्ही रोज म्हणत होतो परंतु ह्यापुढे अधिक ज्ञानपूर्वक पठण करू.
ज्याप्रमाणे संत ज्ञानेश्वर माउलींची संजीवन समाधी आळंदीत आहे त्याचप्रमाणे श्री. नृसिंह सरस्वती स्वामी महाराजांची संजीवन समाधी म्हणजे एक विलक्षण जागृत उर्जेने ओतप्रोत भरलेले स्थान होय. नृसिंह सरस्वती स्वामी महाराज हे दत्तावतारी सत्पुरुष १९व्या शतकाच्या उत्तरार्धात आळंदीत आले होते. स्वामी महाराजांना भजन फार प्रिय होते. संत ज्ञानेश्वरांच्या मंदिरात रोज रात्रीच्या भजनाची सुरुवात स्वामी महाराजांनी केली. त्यावेळी वारकरी संप्रदायाला भजनाकडे वळवण्यात स्वामींना यश मिळाले. १२ वर्षांच्या तपसाधने नंतर पौष पौर्णिमेला त्यांनी समाधी घेतली. अशा पवित्र, उर्जमय स्थानी सद्गुरुंनी जुळवून आणलेला योग म्हणजे खरच कृपाशिर्वाद्च !
पाऊले नित चालो तुझी वाट,
डोळा दिसो तुझाच थाट,
सतत मुखी येवो नामाची लाट,
ह्याचसाठी हा सारा घाट ....
||जय जय रामकृष्ण हरी||
||सद्गुरुचरणार्पणमस्तु ||
|| नमो गुरवे वासुदेवाय ||
कारंजा वृत्तांत, ७-०२-२०१९
अघोरकष्टोद्धरण स्तोत्र प्रचार आणि प्रसार ८६ वा कार्यक्रम , कारंजा
कारंजा येथील श्रीगुरु मंदिरात श्रीमद् नृसिंह सरस्वती स्वामींच्या चरणी प. पू. (टेंबे) स्वामी महाराज विरचित अघोरकष्टोद्धरण स्तोत्राचा ८६ वा कार्यक्रम परमपूज्य सद्गुरु बापट गुरुजींच्या कृपा आशीर्वादाने संपन्न झाला. श्री. नृसिंह सरस्वती स्वामींचा ४० दिवसांचा जन्मोत्सव कारंजा येथे दर वर्षी साजरा होतो. त्याच जन्मोत्सवात अघोर स्तोत्राचा कार्यक्रम आयोजित करण्यात आला होता. ह्या कार्यक्रमासाठी संस्थानाचे विश्वस्त श्री. कर्वे ह्यांचे मोलाचे सहकार्य लाभले.
श्री. टेंबे स्वामी महराजांनी कारंजा येथील श्री. नृसिंह सरस्वतींचे नेमके जन्मस्थान शोधून काढले आणि तिथे मंदिर बांधण्यास सांगितले अशी गोष्ट चरित्रात आहे. श्रीगुरुंच्या जन्मस्थानी सेवा सादर करण्याची साधकांची अनेक दिवसांची इच्छा श्रीसद्गुरुंनी पूर्ण केली. अतिशय सुंदर,शांत, तेजोमय अशा श्री.नृसिंह सरस्वती स्वामींसमोर सेवा कार्यक्रम सकाळी ९.३० वाजता ‘दिगंबरा दिगंबरा श्रीपाद वल्लभ दिगंबरा’ आणि ‘हे दत्त योगेश्वर वासुदेव श्रीपाद श्रीवल्लभ नारसिंह’ ह्या नामस्मरणांनी सुरु झाला. त्यानंतर महाराजांविषयी माहिती, अघोर स्तोत्रावरील विवरण, सामुहिक अघोर स्तोत्र पठण, सद्गुरु कार्य व ग्रंथ परिचय, आणि नर्मदा मय्येच्या गजराने कार्यक्रमाची सांगता झाली. उपस्थित श्रोतृ जनही अतिशय उत्साहात स्तोत्र पठणात सहभागी झाले होते. जाणारे येणारे भक्तही दर्शन घेऊन कार्यक्रम श्रवण करीत उभे होते.
जन्मताच ॐकाराचा जप करण्याऱ्या श्रीगुरुंसमोर अघोर सेवा सादरीकरण म्हणजे साधकांसाठी दिव्य उर्जेचा साठा होता. श्रीगुरुंनी म्लेंच्छ सत्ता असताना देखील समाजातील अनेकांना दत्त माहात्म्य पटवून दिले, गुरुसेवा रुजवली, अनेकांचा उद्धार केला, स्वधर्म जपण्यास प्रवृत्त केले. अशा श्रीगुरुंच्या स्थानी सेवेचा अनुभवही आनंदायी होता. आपल्या सद्गुरुंची सेवा नित्य, अखंडित अधिक प्रभावशाली सुरु ठेवण्याचे मनोबलही शतपटींनी वाढले ते श्रीगुरुंमुळेच.
कार्यक्रमास भरभरून प्रतिसाद तर मिळालाच पण त्या बरोबरच ग्रंथ प्रदर्शनास सुद्धा अनेकांनी आवर्जून भेट दिली व ग्रंथांचा लाभ घेतला.
||सद्गुरुचरणार्पणमस्तु ||
|| नमो गुरवे वासुदेवाय ||
आष्टा वृत्तांत, ०९-०३-२०१९
अघोरकष्टोद्धरण स्तोत्र प्रचार आणि प्रसार ८७ वा कार्यक्रम , आष्टा
सांगली जिल्ह्यातील बागायती शेतीमुळे समृद्ध अशा आष्टा येथील सत्पुरुष श्री.दत्तमहाराज अष्टेकर ह्यांच्या समाधी स्थानी प. पू. (टेंबे) स्वामी महाराज विरचित अघोरकष्टोद्धरण स्तोत्राचा ८७ वा कार्यक्रम परमपूज्य सद्गुरु श्री बापट गुरुजींच्या कृपा आशीर्वादाने संपन्न झाला. श्री. अष्टेकर महाराजांच्या पुण्यतिथी सोहळ्यात हा कार्यक्रम आयोजित करण्यात आला होता. आपली भारतीय संस्कृती खरच किती महान आणि उदात्त आहे हे वारंवार जाणवतं आणि दृष्टीसही पडतं. ह्या भूमीत अनेक सत्पुरुषांनी स्वतःच्या साधनेचा पाठपुरावा करत समाजाचा उद्धार करण्याचं कार्य हाती घेतलेलं आहे. पाश्चिमात्य देशांप्रमाणे आपणही भौतिक प्रगती साधत गेलो तरी आध्यामिक प्रगती अनिवार्य ठरते. सगळं सोडून आतला आवाज ऐकून सद्गुरुंच्या शोधात जाणारा एखादा मनुष्य आपल्या जन्माचं तर सार्थक करतोच शिवाय अनेकांचं आयुष्य सार्थकी लावण्यात अविरत झटत असतो. असेच एक सत्पुरुष म्हणजे, श्री. दत्तमहाराज अष्टेकर. श्री. दत्तमहाराज अष्टेकर ह्या ब्रह्मचारी महापुरुषाने वयाच्या तेराव्या वर्षी नोकरी निमित्त सांगलीस जातो असे सांगून नरसोबाच्या वाडीला प्रयाण केलं आणि तिथे श्री. टेंबे स्वामींचे दर्शन घेतले. त्यांनतर त्यांना गाणगापुरी प्रत्यक्ष प्रभू दत्तात्रेयांचा अनुग्रह झाला. त्यांचे दीक्षागुरु म्हणजे महातेजस्वी असे श्रीहरिहर महाराज. त्यांच्या बरोबर त्यांनी अनेक क्षेत्री तीर्थाटन केलं आणि पुढे कृष्णा माईची पायी परिक्रमा केली.
श्री. दत्तमहाराज अष्टेकरांच्या समाधी स्थानी प्रचार कार्यक्रम होणे म्हणजे एक सुंदर आनंदयोगच! ह्या कार्यक्रमासाठी श्री. जोशीकाका ह्यांचे मोलाचे सहकार्य लाभले.
कार्यक्रम वेळेत म्हणजे सकळी १०.०० वाजता ‘दिगंबरा दिगंबरा श्रीपाद वल्लभ दिगंबरा’ आणि ‘हे दत्त योगेश्वर वासुदेव श्रीपाद श्रीवल्लभ नारसिंह’ ह्या नामस्मरणांनी सुरु झाला. त्यानंतर महाराजांविषयी माहिती, अघोर स्तोत्रावरील विवरण, सामुहिक अघोर स्तोत्र पठण, सद्गुरु कार्य व ग्रंथ परिचय, आणि नर्मदा मय्येच्या गजराने कार्यक्रमाची सांगता झाली. अध्यात्मिक उन्नती साधणारे अनेक भक्त त्यांच्या नित्योपासनेसाठी उपस्थित होते. अगदी एका आवाजात, उच्चस्वरात, शांतपणे त्यांचे विष्णुसहस्रनाम, गीतेचे श्लोक, इत्यादी पठण आधीच तिथे झाले होते. अशा सात्विक, मंगल लहरींच्या वातावरणात अघोरकष्टोद्धरण स्तोत्र कार्यक्रम सुंदररीत्यात्या संपन्न झाला. सर्व उपस्थितांनी कार्यक्रमाला खूप छान आणि मनापासून दाद दिली. सोबत नेलेल्या ग्रंथांनाही चांगला प्रतिसाद मिळाला.
विविध परंपरेतले अनेक साधक नित्याने कशा प्रकारे साधन करतात, त्यांची मनापासून, भक्तीभावाने अध्यात्मिक मार्गक्रमणा कशी चालू असते, वर्षानुवर्षे एका पीढीतून दुसऱ्या पिढीकडे भक्ती, प्रेम, ज्ञान, साधना सुपूर्त करत सद्गुरु कार्य कशाप्रकारे अखंडीत सुरु ठेवत असतात, ह्याची ओळखच जणू ह्या कार्यक्रमांमुळे साधकांना मिळात आली आहे. अनेक अनुभवांनी सगळे संमृद्ध तर झालेच परंतु त्याहूनही सद्गुरुचरणी अधिक दृढता निर्माण झाली. आष्ट्याचा हा कार्यक्रमही अशाचप्रकारे सद्गुरु भक्ताला अधिक संमृद्ध करुन गेला.
||सद्गुरुचरणार्पणमस्तु ||
|| नमो गुरवे वासुदेवाय ||
विलेपार्ले वृत्तांत, २४-०३-२०१९
हरि ॐ
अघोरकष्टोद्धरण स्तोत्र प्रचार आणि प्रसार ८८ वा कार्यक्रम , विलेपार्ले
मुंबई येथील विलेपार्ले ह्या उपनगरातील हनुमान रोड वरील श्री. दत्त मंदिरात प. पू. (टेंबे) स्वामी महाराज विरचित अघोरकष्टोद्धरण स्तोत्राचा ८८ वा कार्यक्रम परम पूज्य सद्गुरु श्री. बापट गुरुजींच्या कृपा आशीर्वादाने संपन्न झाला. ह्या कार्यक्रमासाठी मंदिराचे विश्वस्त श्री.भाटवडेकर ह्यांचे मोलाचे सहकार्य लाभले.
कार्यक्रम वेळेत म्हणजे सायंकाळी ५ .०० वाजता ‘दिगंबरा दिगंबरा श्रीपाद वल्लभ दिगंबरा’ आणि ‘हे दत्त योगेश्वर वासुदेव श्रीपाद श्रीवल्लभ नारसिंह’ ह्या नामस्मरणांनी दणक्यात सुरु झाला. त्यानंतर महाराजांविषयी माहिती, अघोर स्तोत्रावरील विवरण, सामुहिक अघोर स्तोत्र पठण, प्रोजेक्टरच्या आधारे सद्गुरु कार्य व ग्रंथ परिचय, आणि नर्मदा मय्येच्या गजराने कार्यक्रमाची सांगता झाली.
मंदिरात श्री कलावती आईंच्या साधकांची नित्य उपासना असते. तसेच ह्याच मंदिरात पूज्य भाऊ महाराज करंदीकर ह्यांचे नामस्मरण संपन्न झाले आहे. त्यामुळे अतिशय उत्तम चैतन्य शक्तींनी भरलेल्या वातावरणात अघोर स्तोत्राचा कार्यक्रम उतम प्रकारे संपन्न झाला. पार्ल्यात अगदी मोक्याच्या ठिकाणी हे मंदिर असल्याकारणाने कार्यक्रमाला येणाऱ्या जाणकार साधकांची उपस्थितीही अतिशय लक्षणीय होती. उपस्थित श्रोतृ वर्ग पूर्णवेळ एकाग्र होऊन कार्यक्रम श्रवण करण्यात व स्तोत्र पठणात सहभागी झाला होता. ग्रंथ प्रदर्शनालाही अनेकांनी आवर्जून भेट दिली.
सुंदर, शांत अशा मंदिरात रंगलेला अघोर स्तोत्रावरील कार्यक्रम सर्वांना आनंद आणि समाधान देऊन गेला. सद्गुरु कृपा ही केवलम.
||सद्गुरुचरणार्पणमस्तु ||
| नमो गुरवे वासुदेवाय ||
नाशिक वृत्तांत, ०७-०४-२०१९
अघोरकष्टोद्धरण स्तोत्र प्रचार आणि प्रसार ८९ वा कार्यक्रम , नाशिक ( प्रतीक हवन)
नाशिकरोड येथील प्रसिद्ध श्री. घैसास दत्त मंदिरात, श्री. दत्तात्रेयांच्या चरणी प. पू. (टेंबे) स्वामी महाराज विरचित अघोरकष्टोद्धरणस्तोत्र प्रतीक हवनाचा ८९ वा कार्यक्रम परमपूज्य सद्गुरु श्री बापट गुरुजींच्या कृपा आशीर्वादाने संपन्न झाला. मंदिराची स्थापना करणारे पूज्य कै. काकासाहेब घैसास ह्यांना लहानपणापासून दत्तोपासनेची गोडी होती. सद्य मंदिराची जागा त्यांनी विकत घेतली व त्यांना विचित्र अनुभव येऊ लागले. परंतु श्री दत्त महाराजांनी त्यांना स्वप्नात येऊन सांगितलं की इथे दत्ताचे देऊळ त्यांनी बांधावं. त्याप्रमाणे घैसास महाराजांनी केलं आणि केडगावच्या सद्गुरु श्री नारायणमहाराजांनी श्री. दत्तमहाराजांच्या आज्ञेनुसार श्रीदत्ताची मूर्ती त्यांना स्थापनेसाठी देऊ केली. साक्षात श्री. दत्त प्रभूंच्या आज्ञेने बांधलेल्या ह्या मंदिरात चैत्र शुद्ध द्वितीयेला म्हणजे स्वामी समर्थ प्रकट दिवशी अघोरकष्टोद्धरण प्रतीक हवनाचा कार्यक्रम म्हणजे एक अपूर्व योगच म्हणावा लागेल. ह्यासाठी मंदिराचे विश्वस्त श्री. दिक्षित, श्री. घुले ह्यांचे मोलाचे सहकार्य लाभले. तसेच नाशिक मधल्या अनेक गुरुपरंपरेच्या भक्तांचेही सहकार्य लाभले.
सायंकाळी ४.०० - ७.०० अशी हवन कार्यक्रमाची वेळ होती परंतु ग्रीष्माचा तडाखा थोडा कमी झाल्यावर ४.३० ला कार्यक्रम सुरु करण्यत आला. त्याकरिता अगदी सकाळपासूनच लगबग सुरु होती. स्थानाच्या विश्वस्तांपैकी अनेकांच्या चेहऱ्यावर ह्या कार्यक्रमाविषयी कुतूहल दिसत होतं आणि म्हणूच रणरणत्या उन्हाचीही परवा न करता सगळे जोमाने तयारी करीत होते. अतिशय आनंदाच्या आणि उत्साहाच्या वातावरणात यजमानांकडून संकल्प करून घेऊन कार्यक्रमाची सुरुवात झाली. मंदिराचे ट्रस्टी, तसेच नाशिकचे सत्पुरुष श्री बापू स्वर्गे हे यजमान होते. यज्ञवेदीची पूजा, दश दिशांचे पूजन, आणि मग गायत्री मंत्राच्या जयघोषात यज्ञ प्रज्वलन करण्यात आले. त्यानंतर राष्ट्रकल्याण प्रार्थना, आवाहन मंत्रांनंतर स्वामी महाराज परिचय, अघोर स्तोत्र अनवयार्थ, मग प्रत्यक्ष अघोर स्तोत्र पठण, ह्यानंतर सद्गुरु परिचय व ग्रंथ परिचय. शेवटी सगळ्या उपस्थितांकडून क्रमाक्रमाने शिस्तबद्ध पद्धतीने हवन करवून घेण्यात आले. नर्मदा मय्येचा गजर झाला. पूर्णाहुती, आशीर्वादपर दत्तात्रय स्तोत्र, व शांती मंत्रानंतर अघोर प्रतीक हवनाची सांगता झाली. सांगता झाल्यानंतर श्रीस्वामी समर्थांच्या भव्य पालखीचे आगमन मंदिरात झाले आणि वातावरणात नवीन उत्साह संचरित झाला.
नाशिक रोड येथील अगदी मोक्याच्या ठिकाणी असेलेलं घैसास दत्त मंदिर म्हणजे शांत, सुंदर, उर्जेनी भारलेलं असं स्थान. ह्या स्थानी झालेल्या प्रतीक हवनामुळे वातावरण आनंदी आणि चैतन्यमय झाले होते. हवनात सहभागी होता आल्यामुळे आनंद व समाधान मिळाल्याच्या प्रतिक्रिया अनेकांनी व्यक्त केल्या. एकंदरीत प्रतीक हवनाचा सोहळा अतिशय शिस्तबद्ध, देखणा, श्रवणीय आणि आनंददायी होता. केड्गावी सद्गुरुंनी रुद्रस्वहाकार घेतला होता, व केडगावच्याच श्री. नारायणमहाराजांनी दिलेल्या श्री. दत्त महाराजांसमोर अघोर प्रतिक हवानाचाही कार्यक्रम संपन्न झाला. प्रभू रामचंद्र आणि सीतामाईच्या पदस्पर्शाने पावन झालेल्या ह्या नाशकात असा अपूर्व योग केवळ आणि केवळ सद्गुरुंमुळेच आला.
||सद्गुरुचरणार्पणमस्तु ||
|| नमो गुरवे वासुदेवाय ||
बोरिवली वृत्तांत, २६-०५-२०१९
अघोरकष्टोद्धरण स्तोत्र प्रचार आणि प्रसार ९० वा कार्यक्रम , बोरिवली
मुंबईच्या बोरिवली उपनगरातील श्री. चोगले कुटुंबियांच्या श्री. राम हनुमान पंचायतन मंदिरात, श्रीरामांच्या चरणी प. पू. (टेंबे) स्वामी महाराज विरचित अघोरकष्टोद्धरण स्तोत्र प्रतीक हवनाचा ९० वा कार्यक्रम परमपूज्य सद्गुरु श्री बापट गुरुजींच्या कृपा आशीर्वादाने संपन्न झाला. सद्गुरु श्री. बापट गुरुजी जेव्हा पूज्य श्री. भाऊ महाराजांकडे पहिल्यांदा यज्ञ घेण्यासाठी गेले होते त्यावेळी ते ह्याच श्रीरामांच्या मंदिरात पूज्य ताई आणि इतर साधकांसह मुक्कामासाठी राहिले होते. अशा स्थानी जिथे सद्गुरुंचा मुक्काम झाला होता तिथे अघोरकष्टोद्धरण हवनाचा कार्यक्रम म्हणजे एक विशेष योगच म्हणावा लागेल. ह्या कार्यक्रमाला सूफी संत पूज्य श्री. दादा महाराजांची विशेष उपस्थितीही लाभली. कार्यक्रमासाठी मंदिराचे विश्वस्त श्री. चोगले ह्यांचे मोलाचे सहकार्य लाभले.
सायंकाळी ५.०० – ८.०० अशी हवन कार्यक्रमाची वेळ निश्चित झाली होती. ढोलकीच्या तालावर ‘दिगंबरा दिगंबरा श्रीपाद वल्लभ दिगंबरा’ ह्या नामस्मरणाने कार्यक्रमाची अगदी जोशात सुरुवात झाली. त्यामुळे मूळचे चैतन्यमयी वातावरण अधिकच प्रसन्न झाले. अतिशय आनंदाच्या आणि उत्साहाच्या वातावरणात यजमानांकडून संकल्प करून घेऊन कार्यक्रमाची सुरुवात झाली. यज्ञवेदीची पूजा, दश दिशांचे पूजन, आणि मग गायत्री मंत्राच्या जयघोषात यज्ञ प्रज्वलन करण्यात आले. त्यानंतर राष्ट्रकल्याण प्रार्थना, आवाहन मंत्रांनंतर स्वामी महाराज परिचय, स्तोत्र अनवयार्थ, प्रत्यक्ष स्तोत्र पठण होऊन मग सद्गुरु परिचय व ग्रंथ परिचय PPT द्वारे दिला गेला. सगळ्या उपस्थितांकडून क्रमाक्रमाने शिस्तबद्ध पद्धतीने हवन करवून घेण्यात आले. पूर्णाहुती, आशीर्वादपर दत्तात्रय स्तोत्र, शांती मंत्र व नर्मदा मय्येच्या गजरानंतर अघोरकष्टोद्धरण प्रतीक हवनाची सांगता झाली.
बोरिवलीतील बाभई नाक्याचे प्रसिद्ध श्रीराम मंदिर म्हणजे भव्य, सुंदर आणि प्रसन्न स्थान. अनेक विवध प्रकारच्या साधना तिथे होत असतात. पूज्य कलावती आईंचे साधकही तिथे नित्यनैमित्तिक साधना करत असतात. श्रीराम मंदिरात अतिशय देखणा सोहळा संपन्न झाला. आनंदाची व समाधानाची पखरण झाली. “अगणित सकारात्मक शक्तीची निर्मिती ह्या कार्यक्रमात झाली आणि आम्ही त्याचा भाग होऊन ती शक्ती ग्रहण करू शकलो ह्याचा खूप आनंद झाला,” अशी प्रतिक्रिया एका साधकाने व्यक्त केली. अनेका उपस्थितांनी, असे अनेक कार्यक्रम व्हावे अशा शुभेच्छाही दिल्या.
सद्गुरुंनी यज्ञाचा जो वारसा साधकांना देऊ केला तो तसा तंतोतंत प्रतीक हवनाद्वारे सादर करण्यात आला आणि म्हणूनच की काय त्यातील शिस्तबद्धता, नियोजन, एकत्रितपणा, अशा सद्गुरुंनी शिकवलेल्या बाबी अनुसरता आल्या. अशा प्रकारचं सद्गुरुंना अपेक्षित असं अनेक काठ्या लावून उभारलेलं भव्य कार्य जर साधकांकडून झालं तर निश्चित सद्गुरु कार्याचा झेंडा उंच फडकत राहील. अशीच एक दिलाने, एकत्रितपणे अधिकाधिक सेवा सगळ्यांकडून सद्गुरु करून घेवोत हीच त्यांच्या चरणी प्रार्थना.
||सद्गुरुचरणार्पणमस्तु ||
|| नमो गुरवे वासुदेवाय ||
गोरेगाव वृत्तांत, ३०-०६-२०१९
नर्मदाष्टकम स्तोत्र प्रचार आणि प्रसार ९१ वा कार्यक्रम , मसुराश्रम गोरेगाव वृत्तांत
जल म्हणजे जीवन. प्रत्येकाच्या जीवनातलं अविभाज्य तत्व. आपल्या संस्कृतीत नद्यांना अनन्य साधारण महत्व आहे, त्यांना माता म्हणून संबोधलं आहे. असं हे जीवन सर्वांना देऊ करणाऱ्या अनेक नद्यांपैकी सर्वात प्राचीन अशी नदी म्हणजे नर्मदा. सर्वांना आनंद देणाऱ्या, तपासाठी प्रसिद्ध असलेल्या ह्या नर्मदा मैय्येलाही प.पु.श्री स्वामी महाराजांच्या सहवासाची ओढ होती. मैय्येची इच्छा होती की, स्वामी महराजांनी तिच्या तीरावर तप करावं. आणि म्हणूनच श्री. टेंबे स्वामी महाराजांच्या आयुष्याचा बहुतांश काळ नर्मदा माईच्या किनारी व्यतीत झालेला आढळतो. त्यांच्यातील मायलेकराचं नातं इतकं घट्ट होती की, त्यांच्या कार्याचा शेवटही श्रीनर्मदा माईच्या किनारी, मातेच्या कुशीतच झाला. अशा ह्या अतिप्राचीन, शाश्वत आनंदाचा ठेवा देऊ करणाऱ्या श्रीनर्मदेच्या, आद्य शंकराचार्यांनी रचलेल्या अष्टकाचा प्रचार प्रसार व प्रतीक हवनाचा ९१वा कार्यक्रम मुंबईच्या गोरेगाव उपनगरातल्या मसुराश्रमातील श्रीरामांच्या चरणी परमपूज्य सद्गुरु श्री बापट गुरुजींच्या कृपा आशीर्वादाने संपन्न झाला. ह्या आधीही २०१८ मध्ये श्री. टेंबे स्वामींच्या पुण्यातिथीला अघोर प्रसार प्रचार प्रतीक हवनाचा कार्यक्रम इथे संपन्न झाला होता.
सकाळी ९.०० – १२.०० अशी हवन कार्यक्रमाची वेळ निश्चित झाली होती. आधीपासूनच ह्या कार्यक्रमाची उत्सुकता होती, कारण सद्गुरुंच्या समवेत तिची परिक्रमा करताना अनेकांनी तिचं वात्सल्य, तिची माया अनुभवली होती. ढोलकीच्या तालावर ‘दिगंबरा दिगंबरा श्रीपाद वल्लभ दिगंबरा’ ह्या नामस्मरणाने कार्यक्रमाची अगदी जोशात सुरुवात झाली. त्यामुळे मुळचं चैतन्यमयी वातावरण अधिकच प्रसन्न झालं. अतिशय आनंदाच्या आणि उत्साहाच्या वातावरण यजमानांकडून संकल्प करून घेऊन कार्यक्रमाची सुरुवात झाली. यज्ञवेदीची पूजा, दश दिशांचे पूजन, आणि मग गायत्री मंत्राच्या जयघोषात यज्ञ प्रज्वलन करण्यात आले. त्यानंतर राष्ट्रकल्याण प्रार्थना, आवाहन मंत्रांनंतर स्वामी महाराज परीचय, नर्मदा मय्येचं भौगोलिक, वैज्ञानिक आणि अध्यात्मिक अंतरंग खुलवणारे विवरण ppt द्वारे अगदी जिवंत केले गेले आणि सर्वांना खिळून ठेवणारे झाले. मग प्रत्यक्ष नर्मदाष्टक सामूहिक पठण झाल्यावर सद्गुरु परिचय व ग्रंथ परिचय PPT द्वारे दिला गेला. सगळ्या उपस्थितांकडून क्रमाक्रमाने शिस्तबद्ध पद्धतीने उपस्थित भक्तांकडून हवन करवून घेण्यात आले. पूर्णाहुती, आशीर्वादपर दत्तात्रय स्तोत्र, शांती मंत्र व नर्मदा मय्येच्या गजरानंतर प्रतीक हवनाची सांगता झाली. उपस्थित भक्तांचा अगदी शेवट पर्यंत उत्साही सहभाग जाणवत होता.
प.पू. श्री. मसुरकर महाराज समाधी मंदिर म्हणजे सतत तेवत राहणारा सत्कार्मांचा नंदादीप. राष्ट्राच्या जडणघडणीत तसेच स्वधर्माच्या रक्षणासाठी श्री. मसुरकर महाराजांचे मोलाचे योगदान आहे. पूज्य कलावती आईंचे अनुयायीही तिथे नित्यासाधना करत असतात. अशा ह्या दिव्य, शक्तिशाली लहरींनी भरून राहिलेल्या आश्रमात शक्तीस्वरूपिणी, आनंदरुपिणी अशा नर्मदा मय्येच्या अष्टकाचा कार्यक्रम म्हणजे भक्ती आणि शक्तीचा सुंदर संगम. आश्रमात सद्गुरुरुपी मैय्या होती तर बाहेर आशीर्वादरूपी जलधारा कोसळत होत्या. श्री. टेंबे स्वामी महाराजांच्या पुण्यतिथीच्या निमित्ताने घेण्यात आलेल्या श्री. नर्मदाष्टक कार्यक्रमात पुन्हा एकदा जाणवलं की सद्गुरुरूपी मैय्या तिच्या लेकरांसाठी धावत येतेच येते, आपल्या लेकरांना शाश्वत आनंद ती देते, देत आलीये आणि सदैव देत राहील, फक्त श्रद्धा दृढ असायला हवी. असाच सेवानंद मिळो हीच श्री सद्गुरुंच्या चरणी प्रार्थना.
त्वदीय पाद पंकजं नमामि देवि नर्मदे.....त्वदीय पाद पंकजं नमामि देवी नर्मदे......
नर्मदे हर......!
||सद्गुरुचरणार्पणमस्तु ||
|| नमो गुरवे वासुदेवाय ||
वज्रेश्वरी वृत्तांत, २८-०७-२०१९
अघोरकष्टोद्धरण स्तोत्र प्रचार आणि प्रसार ९२ वा कार्यक्रम ( प्रतीक हवन) , वज्रेश्वरी
अध्यात्मिक परंपरेचा वारसा लाभलेल्या आपल्या देशात अनेक धर्मांचे, पंथाचे, विचाराचे साधक आपापल्या मार्गाने त्या वैश्विक सत्यापर्यंत पोहोचण्याचा प्रयत्न करत असता. वस्तुतः अध्यात्माचा पाया कुठल्याही धर्मावर उभारलेला नाही, तर स्वधर्मावर उभारला गेला आहे. इथे धर्म म्हणजे हिंदू, मुस्लीम, ख्रिश्चन, इत्यादी नव्हे तर स्वधर्म, जो प्रत्येक मानवाचा मुलभूत असतो तो. आपल्या मातीत प्रत्येक धर्माच्या संतांना देवाचे स्थान दिले आहे कारण ते स्वधर्माच्या जोरावर मनुष्याच्या उत्क्रांतीसाठी आयुष्यभर झटले. त्यातच सुफी संतही येतात, जे प्रेममय भक्तीच्या आधारे ईश्वराशी एकरूप होण्याचा प्रयत्न करतात. सुफी संगीत आणि सुफी कथाही लोकप्रिय आहेत. अशा एका सुफी संताचा म्हणजे पूज्य श्री. दादा महाराज ससाणे आणि परमपूज्य सद्गुरु श्री. बापट गुरुजींचा दीर्घ काल स्नेह होता. श्री. नर्मदा परिक्रमेत दादा महाराज अगदी सावली सरखे सतत सदगुरुंबरोबर होते. श्री. दादा महाराजांच्या प्रेरणेने वज्रेश्वरीच्या पावन भूमीत प. पू. (टेंबे) स्वामी महाराज विरचित अघोरकष्टोद्धरण स्तोत्राचे पठण आणि प्रतीक हवनाचा ९२ वा कार्यक्रम सद्गुरु बापट गुरुजींच्या कृपा आशीर्वादाने संपन्न झाला. ह्या कार्यक्रमासाठी श्री. कापसे आणि पूज्य दादा महाराजांच्या साधक भक्तांचे मोलाचे सहकार्य लाभले.
वरुण राजाच्या कृपेने काही दिवस अखंड बरसत असलेल्या पाऊस धारांना विश्रांती मिळाली आणि सकाळी ठीक दहा वाजता ‘दिगंबरा दिगंबरा श्रीपाद वल्लभ दिगंबरा’ ह्या नामस्मरणाने आणि पूज्य श्री. दादा महाराजांच्या साक्षीने कार्यक्रमाची अगदी जोशात सुरुवात झाली. मूळचे चैतन्यमयी वातावरण अधिकच प्रसन्न झाले. अतिशय आनंदाच्या आणि उत्साहाच्या वातावरण यजमानांकडून संकल्प करून घेऊन कार्यक्रमाची सुरुवात झाली. यज्ञवेदीची पूजा, दश दिशांचे पूजन, आणि मग गायत्री मंत्राच्या जयघोषात यज्ञ प्रज्वलन करण्यात आले. त्यानंतर राष्ट्रकल्याण प्रार्थना, आवाहन मंत्रांनंतर स्वामी महाराज परीचय, अघोर स्तोत्र अन्वयार्थ, मग प्रत्यक्ष अघोर स्तोत्र पठण मग सद्गुरु परिचय व ग्रंथ परिचय करून देण्यात आला. सगळ्या उपस्थितांकडून क्रमाक्रमाने शिस्तबद्ध पद्धतीने हवन करवून घेण्यात आले. महिषासुरमर्दिनी स्तोत्र, नर्मदा मय्येच्या गजरानंतर पूर्णाहुती, आशीर्वादपर दत्तात्रय स्तोत्र, शांती मंत्राने अघोर प्रतिक हवनाची सांगता झाली. उपस्थितांमध्ये एक अमेरिकन साधक ज्याने बरीच वर्ष भारतीय अध्यात्माचा अभ्यास केला होता व नेपाळ इथे साधना केली होती, उपस्थित होता. मोठा श्रोतृ वर्ग अगदी पहिल्यापासून विद्युत पुरवठा नसतानाही शेवट पर्यंत उत्सहात सहभागी झाला होता. विद्युत पुरवठा खंडित झाला असूनसुद्धा सद्गुरुंच्या कार्याचा प्रचार प्रसार व्यवस्थित करता आला ही सद्गुरु कृपा. इथे सद्गुरुंच्या एका गोष्टीतलं वाक्य आठवलं “ढोलकं वाजल्याशिवाय दोरी वर चालताच येत नाही, अशी गत होता कामा नये ” आणि तसं झालं नाही हे भाग्यच.
वज्रेश्वरीची भूमी खऱ्या अर्थाने तपोभूमीच आहे कारण तिथे श्री वज्रेश्वरी देवी, नित्यानंद महाराजांची समाधी, नवनाथांपैकी मत्स्येन्द्रनाथांची तपोभूमी अशा जागृत शक्तींचा वास आहे. अशा स्थानी अघोर प्रतीक हवनाचा कार्यक्रम उत्तोमोत्तम शक्तीचाच स्रोत ठरला. जिथे सद्गुरुंच्या आज्ञेने एकत्रित साधना होते, तिथे असंख्यात शक्तीची निर्मिती अवश्य होते आणि सद्गुरु तत्वही निश्चित उपस्थित असतं ह्याचा पुन्हा प्रत्यय आला. सद्गुरुच करता आणि करविता! असेच नित्य सेवाकर्म घडो हीच सद्गुरुंचरणी प्रार्थना.
||सद्गुरुचरणार्पणमस्तु ||
|| नमो गुरवे वासुदेवाय ||
नाशिक वृत्तांत, १७-०८-२०१९
अघोरकष्टोद्धरण स्तोत्र प्रचार आणि प्रसार ९४ वा कार्यक्रम , नाशिक
नाशिक गावातल्या पेंटर दत्तमंदिरात प. पू. (टेंबे) स्वामी महाराज विरचित अघोर स्तोत्र पठणाचा ९४ वा कार्यक्रम परमपूज्य सद्गुरु बापट गुरुजींच्या कृपा आशीर्वादाने संपन्न झाला. हे मंदिर अतिशय जुने असून त्याचा जीर्णोद्धार आणि श्री.दत्त मूर्तीची पुनर्प्रतिष्ठापना नर्मदा किनारच्या भालोद गावी स्थित असणाऱ्या पूज्य श्री प्रतापे महाराजांनी केली. ह्या कार्यक्रमासाठी श्री. बापू स्वर्गे ह्यांचे मोलाचे सहकार्य लाभले.
सायंकाळी ५.०० – ७.०० अशी कार्यक्रमाची वेळ निश्चित झाली होती. ‘दिगंबरा दिगंबरा श्रीपाद वल्लभ दिगंबरा’ ह्या नामस्मरणाने कार्यक्रमाची अगदी जोशात सुरुवात झाली. त्यामुळे मुळच्या चैतन्यमयी वातावरण अधिकच प्रसन्न झाले. त्यानंतर महाराजांविषयी माहिती, अघोर स्तोत्रावरील विवरण, सामुहिक अघोर स्तोत्र पठण, सद्गुरु कार्य व ग्रंथ परिचय, आणि नर्मदा मय्येच्या गजराने कार्यक्रमाची सांगता झाली. कार्यक्रमाला उपस्थित श्रोतृ वर्ग अगदी तन्मयतेने कार्यक्रम श्रावण करीत होते. अतिशय उत्साहात सगळ्यांनी स्तोत्र पठणात सहभाग घेतला आणि ग्रंथ प्रदर्शनाला आवर्जून भेटही दिली.
शांत, सुंदर, छोटेखानी दत्त मंदिर पुरेपूर चैतन्याने भरूलेले होते. मंदिरातील श्री. दत्ताची मूर्ती इतकी विलोभनीय होती की जणू साक्षात प्रसन्नचित्त दत्त महाराज तिथे अवतरीत झाले आहेत. अशा दत्त महराजांच्या चरणी, आणि गुरुमाई हेमाताई व श्री. स्वर्गे ह्यांच्या उपस्थ्तीत अघोर स्तोत्र पठणाचा कार्यक्रम उत्तमरीत्या संपन्न झाला.
||सद्गुरुचरणार्पणमस्तु ||
|| नमो गुरवे वासुदेवाय ||
दहिसर वृत्तांत, १४-०९-२०१९
अघोरकष्टोद्धरण स्तोत्र प्रचार आणि प्रसार ९६वा कार्यक्रम—प्रतीक हवन , दहिसर, मुंबई
मुंबईचे शेवटचे उपनगर म्हणून प्रसिद्ध असणाऱ्या दहिसर पश्चिम येथील श्री. विठ्ठल रखुमाई देवस्थानात प. पू. (टेंबे) स्वामी महाराज विरचित अघोर प्रतीक हवनाचा ९६ वा कार्यक्रम परम पूज्य सद्गुरु श्री बापट गुरुजींच्या कृपा आशीर्वादाने संपन्न झाला. शंभरहून अधिक वर्षांची परंपरा असलेलं हे विठ्ठल मंदिर म्हणजे दहिसरच्या संस्कृतीचा मानबिंदूच आहे. ह्या स्थानावर परमपूज्य श्री भाऊ महाराज करंदीकर ह्यांनी अनेक नामस्मरण कार्यक्रम घडवून आणले आहेत. अशा ठिकाणी अघोर प्रतीक हवानाचा कार्यक्रम आणि तो देखील पितृपक्षाच्या सुरुवातीला असा उत्तम योग जुळून आला. ह्या कार्यक्रमासाठी श्री. रसाळ काका आणि श्री परब ह्यांचे मोलाचे सहकार्य लाभले.
सायंकाळी ४.३० – ७.३० अशी हवन कार्यक्रमाची वेळ निश्चित झाली होती. ‘दिगंबरा दिगंबरा श्रीपाद वल्लभ दिगंबरा’ ह्या नामस्मरणाने आणि ‘जय जय रामकृष्ण हरि’ च्या गजराने कार्यक्रमाची सुरुवात झाली. अतिशय आनंदाच्या आणि उत्साहाच्या वातावरणात यजमानांकडून संकल्प करून घेऊन कार्यक्रमाची सुरुवात झाली. यज्ञवेदीची पूजा, दश दिशांचे पूजन, आणि मग गायत्री मंत्राच्या जयघोषात यज्ञ प्रज्वलन करण्यात आले. त्यानंतर राष्ट्रकल्याण प्रार्थना, आवाहन मंत्रांनंतर स्वामी महाराज परीचय, अघोर स्तोत्र अन्वयार्थ, मग प्रत्यक्ष अघोर स्तोत्र पठण मग सद्गुरु परिचय व ग्रंथ परिचय PPT च्या माध्यमातून करून देण्यात आला. सगळ्या उपस्थितांकडून क्रमाक्रमाने शिस्तबद्ध पद्धतीने हवन करवून घेण्यात आले. नर्मदा मय्येच्या गजरानंतर पूर्णाहुती, आशीर्वादपर दत्तात्रय स्तोत्र, शांती मंत्राने अघोर प्रतीक हवनाची सांगता झाली. उपस्थित श्रोतृवर्गाचा सहभागही उत्साही होता. उपस्थित साधकांनी ग्रंथ प्रदर्शनाला ही चांगला प्रतिसाद दिला.
श्री विठ्ठल मंदिरात दर वर्षी गापती उत्सव मोठ्या दिमाखात साजरा होतो. अनेक सत्कर्मे तिथे होत असतात. हा प्रतीक हवनाचा कार्यक्रम अनंत चतुर्दशी नंतर लगेचच असल्याने मंदिराच्या विश्वस्तांनी हवन कार्यक्रम होईस्तोवर मंडप तसाच ठेवला होता. त्यामुळे मंदिराच्या आवारात कुठलीच गैरसोय न होता कार्यक्रम दिमाखात संपन्न झाला. वरूण राजा, ज्याने कार्यक्रमाच्या आदल्यादिवसापर्यंत जोरदार हजेरी लावली, त्याने कार्यक्रमाच्या दिवशी मात्र कृपेचा वर्षाव केला जणू त्यालाही सद्गुरुकार्य अनेकांपर्यंत पोहोचावे असे वाटले. अनेक स्वयंसेवकांनी विविध मार्गांनी कार्यक्रमाचा जोरदार प्रचार केल्यामुळे उपस्थिती लक्षणीय होती. प्रतीक हवनाने खऱ्या अर्थाने उपस्थित साधकांवर आनंदाची पखरण केली. निरंतर सद्गुरु सेवा घडो हीच सद्गुरुचरणी विनम्र प्रार्थना.
||सद्गुरुचरणार्पणमस्तु ||
|| नमो गुरवे वासुदेवाय ||
तळेगाव वृत्तांत, ६-१०-२०१९
अघोरकष्टोद्धरण स्तोत्र प्रचार आणि प्रसार ९७ वा कार्यक्रम , तळेगाव दाभाडे
सत्पुरुष नेहमीच साधकांना सत्याचा मार्ग दाखवतात. प्रत्येक सत्पुरुष समाजोद्धारासाठीच अवतार घेतात आणि संत शिरोमणी शेगावीचा राणा अशी ख्याती असलेले श्री गजानन महाराजही ह्याला अपवाद नाहीत. उष्ट्या पत्रावळीचे शोधन करत असताना अन्नं ब्रह्मेतिचा संदेश देत श्री गजानन महाराज शेगावी प्रगटले. अशा ह्या ब्रह्मांड नायकाच्या तळेगाव येथील स्थानी प. पू. (टेंबे) स्वामी महाराज विरचित अघोर प्रतिक हवनाचा ९७ वा कार्यक्रम सद्गुरु बापट गुरुजींच्या कृपा आशीर्वादाने संपन्न झाला. अभूतपूर्व असा सत्पुरुषांच्या सत्शक्तींचा संगम योग महादुर्गाष्टमीच्या पवित्र दिनी खऱ्या अर्थाने साधला गेला होता. शेगावीचे योगीराज श्री. गजानन महाराज आणि श्री. टेंबे स्वामी हे दोघे समकालीन सत्पुरुष होते ज्यांची फक्त एकदाच झाला आणि शब्देवीण संवाद त्या दोघांमध्ये तेव्हा साधला गेला होता. असा हा संवाद काय होता हे जरी माहित नसलं, तरी साधकांच्या परमोच्च कल्याणासाठी हे सदैव एकत्र आहेत, असं ह्या कार्यक्रमाद्वारे तरी निश्चित सांगता येईल. ह्या कार्यक्रमासाठी मंदिराचे विश्वस्त श्री. भोपळेकाका आणि श्री भरड काका ह्यांचे मोलाचे सहकार्य लाभले.
सकाळी १०.०० – १.०० अशी हवन कार्यक्रमाची वेळ निश्चित झाली होती. ‘दिगंबरा दिगंबरा श्रीपाद वल्लभ दिगंबरा’ ह्या नामस्मरणाने कार्यक्रमाची सुरुवात झाली. त्यानंतर ओम श्री गजानन नमः ह्या मंत्राचा अर्धी माळ जप घेण्यात आला. त्यामुळे मुळचे चैतन्यमयी वातावरण अधिकच प्रसन्न झाले. अतिशय आनंदाच्या आणि उत्साहाच्या वातावरणात यजमानांकडून संकल्प करून घेऊन कार्यक्रमाची सुरुवात झाली. यज्ञवेदीची पूजा, दश दिशांचे पूजन, आणि मग गायत्री मंत्राच्या जयघोषात यज्ञ प्रज्वलन करण्यात आले. त्यानंतर राष्ट्रकल्याण प्रार्थना, आवाहन मंत्रांनंतर, स्वामी महाराज परीचय, अघोर स्तोत्र अनवयार्थ, मग प्रत्यक्ष अघोर स्तोत्र पठण मग सद्गुरु परिचय व ग्रंथ परिचय करून देण्यात आला. सगळ्या उपस्थितांकडून क्रमाक्रमाने शिस्तबद्ध पद्धतीने हवन करवून घेण्यात आले. नर्मदा मय्येच्या गजरानंतर, महिषासुरमर्दिनी स्तोत्र, पूर्णाहुती, आशीर्वादपर दत्तात्रय स्तोत्र, शांती मंत्र व अघोर प्रतिक हवनाची सांगता झाली.
कोणत्याही क्षेत्रात प्रगती करण्यासाठी आपल्याला आत्मशक्ती, मनःशक्ती, ज्ञानशक्ती आणि इच्छाशक्तीची नितांत गरज असते आणि म्हणूनच शक्तीची उपासना प्रत्येकालाच अनिवार्य असते. सद्गुरु म्हणतात, दुर्गम अशा दुर्गुणांवर मात करून साधकाला दुर्गतीपासून वाचवणारी ती दुर्गा. अशा ह्या दुर्गेच्या दुर्गोत्सवात महादुर्गाष्टमीच्या दिवशी सत्शक्तींचा जागर सगळ्यांना अनुभवता आला, जणू साक्षात दुर्गा ह्या सत्पुरुषांच्या भेटीस आली होती आणि साधकांना शुभ असे आशीर्वाद तिने दिले.
साधकाकडे नित्य असावा भक्तीचाच ठेवा,
ज्यामुळे मिळेल जना सत्कर्मरुपी मेवा,
शक्तीसंगे मग सद्गुरुंची सदा घडो सेवा,
हीच मनिषा सदैव माझी, माझ्या वासुदेवा !
|| सद्गुरुचरणार्पणमस्तु ||
|| नमो गुरवे वासुदेवाय ||
गोराई वृत्तांत, २०-१०-२०१९
अघोरकष्टोद्धरण स्तोत्र प्रचार आणि प्रसार ९८ वा कार्यक्रम , गोराई
श्री दत्तात्रेयांचा प्रथम अवतार म्हणून ओळखल्या जाणाऱ्या श्रीपाद श्रीवल्लभांचा निजानंद गमनाचा दिवस म्हणजे गुरुद्वादशी, म्हणजेच वसुबारस. असं म्हणतात सद्गुरु भक्तांसाठी हा गुरुद्वाद्शीचा योग म्हणजे पर्वणी काळ, कारण सत्पुरुषांच्या जन्मतिथी आणि पुण्यतिथीला सद्गुरुशक्तीचं मोठ्या प्रमाणात संक्रमण होत असतं. श्रीपाद श्रीवाल्लाभांची महती सांगणारा एक श्लोक आहे:
कृते जनार्दनो देवस्त्रेतायां रघुनंदनः |
द्वापारे रामकृष्णौच कलौ श्रीपाद वल्लभः ||
ह्या श्लोकात वर्णिल्या प्रमाणे कलियुगात श्रीपाद श्रीवल्लभ रूपी ईश्वरी अवतरण भक्तांना तारणारे असेल. जो साधक शरणागत मनाने, भक्तिने साधन करील त्याच्या पाठीशी सदैव श्रीपाद श्रीवल्लभ ठामपणे उभे राहतील. म्हणूनच अशा ह्या परम कृपाळू श्रीपाद श्रीवाल्लभांचे आशीर्वाद प्राप्त करण्यासाठी, अधिक शक्ती ग्रहण करण्याच्या हेतुने आणि गुरुतत्वाच्या सान्निध्यात राहण्याच्या हेतूने गुरुद्वाशी तिथी सोहळ्यानिमित्ताने रविवारी बोरीवली उपनगरातील गोराई इथल्या श्री दत्त मंदिरात प. पू. (टेंबे) स्वामी महाराज विरचित श्रीदत्तात्रेय स्तोत्र प्रतिक हवनाचा ९८ वा कार्यक्रम परम पूज्य सद्गुरु बापट गुरुजींच्या कृपा आशीर्वादाने संपन्न झाला. ह्या कार्यक्रमासाठी मंदिराचे ट्रस्टी श्री मंगेश राणे ह्यांचे मोलाचे सहकार्य लाभले.
सकाळी १०.०० – १.०० अशी हवन कार्यक्रमाची वेळ निश्चित झाली होती. ढोलकीच्या तालात ‘दिगंबरा दिगंबरा श्रीपाद वल्लभ दिगंबरा’ आणि ‘हे दत्त योगेश्वर वासुदेव श्रीपाद श्रीवल्लभ नारसिंह’ ह्या नामस्मरणांनी कार्यक्रमाची अगदी जोशात सुरुवात झाली. त्यामुळे मुळच्या चैतन्यमयी वातावरण अधिकच प्रसन्न झाले. अतिशय आनंदाच्या आणि उत्साहाच्या वातावरण यजमानांकडून संकल्प करून घेऊन कार्यक्रमाची सुरुवात झाली. यज्ञवेदीची पूजा, दश दिशांचे पूजन, आणि मग गायत्री मंत्राच्या जयघोषात यज्ञ प्रज्वलन करण्यात आले. त्यानंतर राष्ट्रकल्याण प्रार्थना, आवाहन मंत्रांनंतर स्वामी महाराज परीचय, PPT च्या माध्यमाद्वारे श्रीदत्तात्रेय स्तोत्र अन्वयार्थ सांगितला गेला. मग प्रत्यक्ष तीन वेळा श्रीदत्तात्रेय स्तोत्र पठण मग सद्गुरु परिचय व ग्रंथ परिचय करून देण्यात आला.
सगळ्या उपस्थितांकडून क्रमाक्रमाने शिस्तबद्ध पद्धतीने हवन करवून घेण्यात आले. नर्मदा मय्येच्या गजरानंतर पूर्णाहुती, आशीर्वादपर दत्तात्रय स्तोत्र, शांती मंत्राने श्रीदत्तात्रेय स्तोत्र प्रतिक हवनाची सांगता झाली. उपस्थित साधकांना हा वेगळ्या प्रकारचा, शिस्तबद्ध आणि ज्ञानदायी असा कार्यक्रम मनोमन भावला आणि त्यांनी तशा प्रतिक्रियाही नोंदवल्या. उपस्थितांनी ग्रंथ प्रदर्शनाला ही आवर्जून भेट दिली.
सुंदर अशा श्रीदत्त मंदिरात श्रीदत्तात्रेय स्तोत्र प्रतिक हवन कार्यक्रम उशिरा सुरु होऊनही कुठली घाई गडबड न होता, आटोपशीर आणि शिस्तबद्ध स्वरूपात संपन्न झाला. सद्गुरुच करता आणि करविता.अशी सेवा नित्य घडो हेच परमकृपाळू सद्गुरुंचरणी विनम्र प्रार्थना.
||सद्गुरुचरणार्पणमस्तु ||
|| नमो गुरवे वासुदेवाय ||
नाशिक वृत्तांत, २१-१२-२०१९
अघोरकष्टोद्धरण स्तोत्र प्रचार आणि प्रसार ९९वा कार्यक्रम, नाशिक वृत्तांत
आपल्या भारतीय संस्कृतीत तीर्थस्थानांना अनन्यसाधारण महत्व आहे. तीर्थ म्हणजे जल आणि जल म्हणजे जीवन. जलाच्या सान्निध्यात प्रत्येकाच्या जीवनाला अधिक स्थैर्य प्राप्त होते, समाधान मिळते आणि अध्यात्मिक कल्याणही साधले जाते. जलामध्ये असलेल्या ग्रहण क्षमतेमुळे, स्मृतीमुळे अगदी शेकडो वर्षांपूर्वी जल स्रोतांजवळ केलेल्या तपोसाधनेच्या लहरी आजही सकारात्मक उर्जेचं वातावरण निर्माण करतात. असाच एक जल प्रवाह ज्याला दक्षिण गंगा असेही संबोधतात त्या गोदावरी माईच्या तीरावरील प्रमुख तीर्थक्षेत्र म्हणजे नाशिक, जिथे अनेक सत्पुरुषांनी आपल्या साधेनेने तपोलहरी निर्माण केल्या आहेत. अशाच उत्तमोत्तम तपोलहरींनी भारीत असलेल्या पूज्य साधू देव मामलेदारांच्या समाधी स्थानी प. पू. (टेंबे) स्वामी महाराज विरचित अघोरकष्टोद्धरण स्तोत्राचा प्रतिक हवनाचा ९९ वा कार्यक्रम सद्गुरु बापट गुरुजींच्या कृपा आशीर्वादाने संपन्न झाला.
शासकीय तिजोरी दुष्काळ पिडीतांसाठी रिती करणरे, तेवढे पुरेसे नाही म्हणून घरातील प्रत्येक चीज वस्तू, सोनं-नाणं मोडून अनेकांना अन्न पुरवणारे अतिशय श्रेष्ठ विभूती पूज्य देव मामलेदारांच्या म्हणजे यशवंतराव महाराजांच्या पुण्यतिथी सप्ताह सोहळ्यात स्तोत्र पठण आणि हवन म्हणजे अतिउत्तम योग! ह्या कार्यक्रमासाठी श्री संतोष कुलकर्णी ह्यांचे मोलाचे सहकार्य लाभले.
सायंकाळी ४.३० – ७.३० अशी हवन कार्यक्रमाची वेळ निश्चित झाली होती. ‘दिगंबरा दिगंबरा श्रीपाद वल्लभ दिगंबरा’ ह्या नामस्मरणाने उत्साहात सुरुवात झाली त्यामुळे मुळच्या चैतन्यमयी वातावरण अधिकच प्रसन्न झाले. अतिशय आनंदाच्या आणि उत्साहाच्या वातावरण यजमानांकडून संकल्प करून घेऊन कार्यक्रमाची सुरुवात झाली. यज्ञवेदीची पूजा, दश दिशांचे पूजन, आणि मग गायत्री मंत्राच्या जयघोषात यज्ञ प्रज्वलन करण्यात आले. त्यानंतर राष्ट्रकल्याण प्रार्थना, आवाहन मंत्रांनंतर स्वामी महाराज परीचय, अघोर स्तोत्र अन्वयार्थ, मग प्रत्यक्ष अघोर स्तोत्र पठण मग सद्गुरु परिचय व ग्रंथ परिचय करून देण्यात आला. सगळ्या उपस्थितांकडून क्रमाक्रमाने शिस्तबद्ध पद्धतीने हवन करवून घेण्यात आले. नर्मदा मय्येच्या गजरानंतर पूर्णाहुती, आशीर्वादपर दत्तात्रय स्तोत्र, शांती मंत्राने अघोर प्रतीक हवनाची सांगता झाली. ग्रंथ प्रदर्शनालाही अनेकांनी आवर्जून भेट दिली.
कार्यक्रमाच्या समारोपानंतर श्रोत्यांनी सकारात्मक प्रतिक्रिया दिल्या. त्यातल्या एकाची प्रतिक्रिया अशी होती कि, “कार्यक्रम अतिशय उत्तम झाला, एखादा नास्तिक जरी असला तरी तो इथून हलणार नाही, त्याला ही हे आवडेल!” सद्गुरुंची यज्ञ संकल्पना सर्व समावेशक अशीच आहे. कुठलाही भेदाभेद जिथे नाही, अनेक साधक विश्व कल्याणाच्या हेतूने एकत्र येऊन जिथे प्रार्थना करतात, एकाग्रता साधतात, अगणित शक्तीची जिथे निर्मिती होते, अशी यज्ञ साधना, सगळ्यांनाच जवळची वाटते, आणि ह्यामुळेच खऱ्या अर्थाने समता प्रस्थापित होऊ शकते.
श्रीरामाच्या पद स्पर्शाने पावन अशा नाशिक भूमीत पवित्र गंगेच्या घाटावरील पूज्य देवमामलेदारांचे समाधी स्थान म्हणजे शांत, सुंदर,आणि पवित्र उर्जेचं स्रोत. त्यागशील, सेवेकरी, करुणाघन अशा देव मामलेदारांच्या समाधी स्थानी तितक्याच प्रभावशाली आणि लोकमंगलवर्धक स्तोत्राच्या हवनाने प्रसन्न व चैतन्यमयी वातावरण निर्माण झाले ज्यामुळे सात्विक आनंदाची पखरण झाली. असाच सद्गुरु सेवानंद सर्वांना मिळत राहो हीच सद्गुरु चरणी विनम्र प्रार्थना.
||सद्गुरुचरणार्पणमस्तु ||
|| नमो गुरवे वासुदेवाय ||
वृत्तांत, २७,२८,२९/१२/२०१९
प्रचार-प्रसार कार्यक्रम, श्रीवासुदेव व्याख्यानमाला, वर्ष १ले वृत्तांत
दिनांक २७,२८ व २९ डिसेंबर २०१९ ह्या कालावधीत ठाणे (प) येथील सहयोग मंदिर येथे प्रकाश ज्ञान शक्ती चैरीटेबल ट्रस्ट आयोजित श्रीवासुदेव व्याख्यानमाला संपन्न झाली. प.पू. सद्गुरु श्री. वासुदेव वामन बापट गुरुजी ह्यांच्या प्रेरणेने आयोजित झालेल्या व्याख्यानमालेचा विषय होता ‘भारतीय तत्वविचारांचा वेध “ आणि हा वेध घेतला होता जिज्ञासू व अभ्यासू वृत्तीचे युवा व्याख्याते श्री. आदित्य बापट ह्यांनी. प्रत्येक दिवशी कार्यक्रमाची सुरुवात दीपप्रज्वलन व सुस्वरात गायल्या गेलेल्या सरस्वती वंदना आणि श्री. गणेश पंचरत्न स्तोत्राच्या पठणाने होत असे. ह्यानंतर झालेल्या प्रास्ताविकात सर्वप्रथम ज्यांच्या प्रेरणेने ही व्याख्यानमाला आयोजित झाली होती त्या प.पु सद्गुरुंच्या जीवन क्रमाचा कार्याचा परिचय उपस्थितांना करून देण्यात आला. त्या नंतर प्रकाश ज्ञान शक्ती चैरीटेबल ट्रस्ट ह्या संस्थेची व संस्थेतर्फे राबविण्यात येणाऱ्या विविध उपक्रमांची व कार्याची माहिती देण्यात आली. सद्गुरु कार्य प्रचार व प्रसार ह्या कार्यक्रमांची थोडक्यात माहिती देऊन महाराष्ट्रात आणि महाराष्ट्राबाहेर ९९ कार्यक्रम आजवर संपन्न झाले आणि १०० वा कार्यक्रम भव्य स्वरूपात संपन्न व्हावा ह्या हेतूने सदर व्याख्यानमालेची संकल्पना आकाराला आल्याचे प्रास्ताविकात सांगितले गेले. ह्या नंतर ह्या व्याख्यानमालेचं स्वरूप व एकंदर रूपरेषा ह्याची कल्पना उपस्थितांना देऊन प्रमुख व्याख्याते श्री.आदित्य बापट ह्यांचा अल्प परिचय करून देण्यात आला आणि व्याख्यानाला प्रारंभ करण्यात आला.
मुख्य विषयाचा आवाका लक्षात घेऊन विषय मांडणी व्यवस्थित करता यावी आणि या क्लिष्ट विषयाचे आकलन सुलभ रीतीने व्हावे ह्यासाठी श्री.आदित्य बापट ह्यांनी मुख्य विषयाचे तीन भाग करून दररोज एका विषयाचे विवरण केले.
पहिल्या दिवशीचा विषय होता- भारतीय तत्वज्ञानाचे स्वरूप व वेद विचार
ह्या दिवशी मानवाच्या उत्क्रांत प्रक्रियेच्या वर्णनाने सुरुवात करून तत्व विचारांचा उगम कसा झाला ते स्पष्ट करण्यात आले. तत्वज्ञानाचं उपयोजन काय हे स्पष्ट केलं गेलं. Different schools of philosophy असलेल्या दर्शन ग्रंथांचं वर्गीकरण त्यांनी समजावलं. वेदांमध्ये सर्वप्रथम हा तत्वविचार कसा व कुठे बघायला मिळतो हे सांगताना त्या ओघात त्यांनी संपूर्ण वेदवाङ्मयाचा अगदी थोडक्यात परंतु महत्वपूर्ण मुद्द्यांनी स्पर्श करत आढावा घेतला.
दुसऱ्या दिवशीचा विषय होता - वेदांत विचार व अवैदिक दर्शने.
वेदवाङ्मयाचं स्वरूप स्पष्ट करून त्यात क्रमाने बदलत जाणारा विचारांचा प्रवास त्यांनी उलगडून दाखवला. वेदांच्या अंती येणारे ह्या अर्थाने वेदांत म्हणजेच उपनिषदांचे स्वरूप, संख्या, त्यांची वैशिष्ट्ये इत्यादी स्पष्ट करून तत्वमंथनाने युक्त असेलल्या उपनिषदांतील एक-दोन संवादाचं थोडक्यात विवरण त्यांनी उदाहरणादाखल केलं. प्रस्थानत्रयी ही संज्ञा स्पष्ट करून तत्वविचारात असलेलं भगवद् गीतेचं महत्व त्यांनी समजावलं आणि वेद प्रामाण्य न मानणाऱ्या म्हणजेच अवैदिक दर्शनांचा थोडक्यात आढावा घेतला. ह्या वेळेस चार्वाक मताबद्दल अकारण होणाऱ्या अपप्रचारावर त्यांनी प्रकाश टाकला. तसेच बौद्ध व जैन तत्वज्ञानाची सर्व महत्वाची अंगे स्पष्ट करून सांगितली.
तिसऱ्या दिवशी आचार्यांचे विचारऋण
ह्या विषयांतर्गत वेदांत ह्या शब्दाचा तत्वज्ञानाच्या परिभाषेतील दुसरा एक अर्थ स्पष्ट केला. वेदांत विचार मांडणाऱ्या चार महत्वाच्या आचार्यांच्या महर्षी रामानुजाचार्य, मध्वाचार्य, वल्लभाचार्य व निम्बार्काचार्य, विचार धारेचा थोडक्यात परिचय करून देऊन वक्ते मुख्य विषयाकडे महर्षी आद्य शंकराचार्यांकडे वळले. विषयाच्या ओघात त्यांच्या जीवनक्रमाचा थोडक्यात आढावा घेत त्यांची विचार धारा सोप्या भाषेत मांडली. आद्य शंकराचार्यांनी वेदवाङमयातील चार महावाक्यांच्या आधारे त्यांच्या अद्वैत वेदांत हा सिद्धांत मांडला जो जग प्रसिद्ध आहे, मात्र ह्या सिद्धांताबद्दलच्या काही उपहासात्मक अपसमजांवर प्रकाश टाकताना व्याख्यात्यांनी एक रोचक कथा सांगितली व समज-गैरसमजाच्या गुंत्यातून अचूक सत्य कसं शोधायचं व मुख्यतत्वापर्यंत कसं पोहोचायचं ह्याचं मार्गदर्शन केलं.
ह्या विषयांतर्गत वेदांत ह्या शब्दाचा तत्वज्ञानाच्या परिभाषेतील दुसरा एक अर्थ स्पष्ट केला. वेदांत विचार मांडणाऱ्या चार महत्वाच्या आचार्यांच्या महर्षी रामानुजाचार्य, मध्वाचार्य, वल्लभाचार्य व निम्बार्काचार्य, विचार धारेचा थोडक्यात परिचय करून देऊन वक्ते मुख्य विषयाकडे महर्षी आद्य शंकराचार्यांकडे वळले. विषयाच्या ओघात त्यांच्या जीवनक्रमाचा थोडक्यात आढावा घेत त्यांची विचार धारा सोप्या भाषेत मांडली. आद्य शंकराचार्यांनी वेदवाङमयातील चार महावाक्यांच्या आधारे त्यांच्या अद्वैत वेदांत हा सिद्धांत मांडला जो जग प्रसिद्ध आहे, मात्र ह्या सिद्धांताबद्दलच्या काही उपहासात्मक अपसमजांवर प्रकाश टाकताना व्याख्यात्यांनी एक रोचक कथा सांगितली व समज-गैरसमजाच्या गुंत्यातून अचूक सत्य कसं शोधायचं व मुख्यतत्वापर्यंत कसं पोहोचायचं ह्याचं मार्गदर्शन केलं.
एकंदरीत ह्या तीन दिवसात कमीतकमी वेळात जास्तीत जास्त माहिती सोप्या, रोचक पद्धतीने देण्याचा प्रयत्न झाला. विषयाच्या ओघात येणारे वेगवेगळ्या विषयातले दाखले, श्लोक, कथा ह्यामुळे कथनाचा प्रवाह ओघवता व उत्सुकता टिकवून ठेवणारा झाला.
ह्या तिन्ही दिवसात क्रमशः श्रोतृवर्गाची उपस्थिती वाढलेली दिसली तसेच उपस्थित श्रोते व्याख्यानात पूर्ण रंगून गेलेले दिसत होते. श्रोत्यांना काही शंका असल्यास काही लिखित प्रश्नांवरून प्रश्नकर्त्यांनी व्याख्यानाचं श्रवण लक्षपूर्वक केल्याचं लक्षात येत होतं. वेळेची उपलब्धता मर्यादित असूनही श्री.आदित्य बापट ह्यांनी सर्व प्रश्नांना उत्तरे देऊन शंका समाधान करण्याचा प्रयत्न केला.
पहिल्या व दुसऱ्या दिवशी अघोरकष्टोद्धरण स्तोत्रानी कार्यक्रमाचा समारोप झाला. मात्र तत्पूर्वी प.पू. सद्गुरु श्री.वासुदेव वामन बापट गुरुजींच्या ग्रंथ संपदेतील काही ग्रंथांचा अभ्यासपूर्ण परिचय ओघवत्या शैलीत रोचक पद्धतीने करून देण्यात आला.
तिसरा दिवस समारोपाचा दिवस असल्याने त्या दिवशी ग्रंथ परिचयानंतर आभार प्रदर्शनाचा कार्यक्रम पार पडला. हा कार्यक्रम ज्यांच्याज्यांच्या मुळे यशस्वी रीत्या पार पडला त्या सगळ्यांचे कृतज्ञतापूर्वक आभार मानण्यात आले. ज्ञानोबा माऊलींच्या पसायदानाने श्रीवासुदेव व्याख्यानमालेच्या ह्या प्रथम पुष्पाची सांगता झाली. मात्र त्यानंतरच्या कॉफिपानाचा आस्वाद घेताना हा असा वाक्यज्ञ सोहळा पुन्हा पुन्हा अनुभवता यावा हीच भावना सर्वांच्या मनी होती.
||श्रीसद्गुरुचरणार्पणमस्तु||
कार्यक्रम अहवाल २०२०
|| नमो गुरवे वासुदेवाय ||
धुळे वृत्तांत, १८-१-२०२०
श्रीदत्तात्रेय स्तोत्र प्रचार आणि प्रसार १०१ वा कार्यक्रम
महाराष्ट्र ही संतांची भूमी म्हणून ओळखली जाते. अगणित संत आजवर ह्या भूमीत जन्मले आणि अध्यात्माची मुळे खोलवर रुजवली. आजही ह्या संतांच्या अनेक शिष्यांनी तो वारसा पुढे चालू ठेवलेला आढळतो, किंबहुना तो असाच पुढे चालत राहील कारण मानवाचा कोsहं आणि तद्नंतर सोsहंचा प्रवास सद्गुरुंमुळेच सुकर होतो. अशाच एका महान सत्पुरुषाच्या महान शिष्याच्या समाधी स्थानी म्हणजे आळंदीचे श्रीनृसिंहसरस्वती स्वामी महाराजांचे शिष्य श्रीपद्मनाभ स्वामी महाराजांच्या समाधी मंदिरात प. पू. (टेंबे) स्वामी महाराज विरचित श्रीदत्तात्रेय स्तोत्र प्रतिक हवनाचा १०१ वा कार्यक्रम, परमपूज्य सद्गुरु श्री.बापट गुरुजींच्या कृपा आशीर्वादाने संपन्न झाला. आळंदीच्या नरसिंह सरस्वती स्वामी महाराजांच्या समाधी स्थानी ह्या आधी दोन कार्यक्रम संपन्न झाले होते. आता त्यांच्या शिष्याच्या म्हणजे श्रीपद्मनाभ स्वामींच्या समाधी स्थानी हा अपूर्व योग जुळून आला. ह्या कार्यक्रमासाठी श्री रामभाऊ वैद्य, श्री नाना वैद्य आणि श्री दीपक रुद्र महाराज ह्यांचे मोलाचे सहकार्य लाभले. धुळे येथील आपले भक्त श्री व सौ तामटे ह्यांनी अतिशय मनापासून सेवा दिली.
सकाळी ९.३० – १२.३० अशी हवन कार्यक्रमाची वेळ निश्चित झाली होती. दिगंबरा दिगंबरा श्रीपाद वल्लभ दिगंबरा’ आणि ‘हे दत्त योगेश्वर वासुदेव श्रीपाद श्रीवल्लभ नारसिंह’ ह्या नामस्मरणांनी कार्यक्रमाची अगदी प्रसन्न सुरुवात झाली. त्यामुळे मुळचे चैतन्यमयी वातावरण अधिकच प्रसन्न झाले. अतिशय आनंदाच्या आणि उत्साहाच्या वातावरणात यजमानांकडून संकल्प करून घेऊन कार्यक्रमाची सुरुवात झाली. यज्ञवेदीची पूजा, दश दिशांचे पूजन, आणि मग गायत्री मंत्राच्या जयघोषात यज्ञ प्रज्वलन करण्यात आला. त्यानंतर राष्ट्रकल्याण प्रार्थना, आवाहन मंत्रांनंतर स्वामी महाराज परीचय, श्रीदत्तात्रेय स्तोत्र अन्वयार्थ सांगितला गेला. मग प्रत्यक्ष तीन वेळा श्रीदत्तात्रेय स्तोत्र पठण मग सद्गुरु परिचय व ग्रंथ परिचय करून देण्यात आला.
सगळ्या उपस्थितांकडून क्रमाक्रमाने शिस्तबद्ध पद्धतीने हवन करवून घेण्यात आले. नर्मदा मय्येच्या गजरानंतर पूर्णाहुती, आशीर्वादपर दत्तात्रय स्तोत्र, शांती मंत्राने श्रीदत्तात्रेय स्तोत्र प्रतिक हवनाची सांगता झाली. उपस्थित साधकांना हा वेगळ्या प्रकारचा, शिस्तबद्ध आणि ज्ञानदायी असा कार्यक्रम मनोमन भावला आणि त्यांनी तशा प्रतिक्रियाही नोंदवल्या. उपस्थितांनी ग्रंथ प्रदर्शनाला ही आवर्जून भेट दिली.
पवित्र, शांत आणि सुंदर १०० वर्ष जुन्या अशा श्रीपद्मनाभ स्वामी समाधी मंदिरात श्रीदत्तात्रेय स्तोत्र प्रतिक हवन कार्यक्रम शिस्तबद्ध स्वरूपात संपन्न झाला. सद्गुरुच करता आणि करविता. अशी सेवा नित्य घडो हीच परमकृपाळू सद्गुरुंचरणी विनम्र प्रार्थना.
||सद्गुरुचरणार्पणमस्तु ||
|| नमो गुरवे वासुदेवाय ||
नंदुरबार वृत्तांत, १९-१-२०२०
अघोरकष्टोद्धरण स्तोत्र प्रचार आणि प्रसार १०२ वा कार्यक्रम, नंदुरबार वृत्तांत
आनंदायी श्री नर्मदा मय्येच्या परीक्रमेने साधकांची अध्यात्मिक प्रगती तर निश्चित होते शिवाय त्या दरम्यान भेटणाऱ्या अनेक मय्याभक्तांचं अतूट असं नातं जोडलं जातं. सद्गुरुंनी करवून घेतलेल्या २०११ सालच्या श्रीनर्मदा परीक्रमेमुळे नंदुरबारचे श्रेष्ठ दत्तभक्त आणि परिक्रमावासी श्री. सखारामदादा चौधरीही असेच सद्गुरुंशी जोडले गेले. परिक्रमेत अनेक सत्पुरुषांनी सद्गुरुंना साथ दिली. ह्यातच श्री सखारामदादा चौधरीही होते. त्यांच्या सहाय्याने प्रकाशा येथील महिम्न स्वाहाकार संपन्न झाला आणि तेव्हापासून ते सद्गुरुंच्या सदैव संपर्कात राहिले. सद्गुरुंचं अंतरंग त्यांनी ओळखलं होतं आणि म्हणूनच ह्या हृदयीचे त्या हृदयी अशाप्रकारचा संवाद त्यांच्यात घडत असावा जो आजही प्रचार प्रसार कार्यक्रमांद्वारे साधकंना जाणवतो आणि त्याद्वारे त्यांना जोडूनही ठेवतो. श्री.सखारामदादा चौधरी सद्गरु सेवेत सतत रममाण असायचे. ज्यांची नर्मदा किनारी अखंड रामधून सुरु असते अशा संत दगा महाराजांच्या संपर्कात चौधरी काका आले आणि त्यांच्यामुळे त्यांची पायी परिक्रमा घडली. सायकल वरूनही त्यांनी परिक्रमा केली. श्रीदगा महाराजांमुळे त्यांना त्यांच्या गुरुंची म्हणजे परमपूज्य गांडा महाराजांचे शिष्य श्रीचिंतामणी महाराजांशी भेट झाली. थोडक्यात सखाराम दादांचे परात्पर गुरु म्हणजे श्रीटेंबे स्वामी महाराज म्हणून त्यांनी माणगाव ते गरुडेश्वर अशी पायी परीक्रमाही केली. श्री.सखाराम दादांनी सद्गुरु श्री. बापट गुरुंजींचे जवळ जवळ सगळे ग्रंथ वाचले होते आणि त्यांच्याबद्दल त्यांना विशेष स्नेह होता.
अशा ह्या सत्पुरुषाच्या प्रथम पुण्यस्मरण दिनी सद्गुरुंनी सुवर्ण संगम योग घडवून आणला होता. त्यांच्या नंदुरबार इथल्या निवास्थाना जवळ प. पू. (टेंबे) स्वामी महाराज विरचित अघोर प्रतिक हवनाचा १०२ वा कार्यक्रम सद्गुरु बापट गुरुजींच्या कृपा आशीर्वादाने संपन्न झाला. ह्या कार्यक्रमासाठी चौधरी परिवाराचे सहकार्य लाभले.
सकाळी ९.३० – १२.३० अशी हवन कार्यक्रमाची वेळ निश्चित झाली होती. ‘दिगंबरा दिगंबरा श्रीपाद वल्लभ दिगंबरा’ तसेच रामधुनीमुळे वातावरण प्रसन्न झाले. अतिशय आनंदाच्या आणि उत्साहाच्या वातावरणात यजमानांकडून संकल्प करून घेऊन कार्यक्रमाची सुरुवात झाली. यज्ञवेदीची पूजा, दश दिशांचे पूजन, आणि मग गायत्री मंत्राच्या जयघोषात यज्ञ प्रज्वलन करण्यात आले. त्यानंतर राष्ट्रकल्याण प्रार्थना, आवाहन मंत्रांनंतर स्वामी महाराज परीचय, अघोर स्तोत्र अन्वयार्थ, मग प्रत्यक्ष अघोर स्तोत्र पठण मग सद्गुरु परिचय व ग्रंथ परिचय करून देण्यात आला. सगळ्या उपस्थितांकडून क्रमाक्रमाने शिस्तबद्ध पद्धतीने हवन करवून घेण्यात आले. नर्मदा मय्येच्या गजरानंतर पूर्णाहुती, आशीर्वादपर दत्तात्रय स्तोत्र, शांती मंत्राने अघोर प्रतिक हवनाची सांगता झाली. ग्रंथ प्रदर्शनालाही अनेकांनी आवर्जून भेट दिली.
कार्यक्रमाच्या समारोपानंतर श्रोत्यांनी सकारात्मक प्रतिक्रिया दिल्या. त्यातल्या एकाची प्रतिक्रिया अशी होती कि, “खूप सुंदर कार्यक्रम झाला, वेगळा कर्यक्रम ज्यात सगळ्यांना हवनात सामील करून घेतले.” सखाराम दादा चौधरींचे ज्येष्ठ चिरंजीव जे नंदुरबार मधले प्रख्यात डॉक्टर आहेत, ते म्हणाले की, “खरं तर सुरुवातीला मी फक्त वडिलांसाठी म्हणून इथे हवनाला बसलो, परंतु नंतर कार्यक्रमादरम्यान पहिल्यांदाच मला माझ्या आतली ज्योत प्रज्ज्वलीत झाल्याची जाणीव झाली आणि आंतरबाह्य समाधान पावलो. आम्ही नक्की एकदा बदलापूर येथे यज्ञाला येऊ.”
श्रीसखाराम दादा चौधरींनी जीवनभर तप केलं. ते सद्गुरु सेवेत रममाण होते, सत्कर्मरत होते आणि म्हणूनच ईश्वराने त्यांचा योगक्षेम चालविला. त्यांचा संसार उत्तम झाला आणि परमार्थही साधता आला. श्री सखारामदादा चौधरींचा प्रथम पुण्यास्मरण सोहळा इतक्या सुंदर पद्धतीने गुरुतत्वाने घडवून आणणे हा खरंच एक विलक्षण योग आहे. खरंच सद्गुरु महिमा कोणी वर्णू शकेना! कधी, कोणाला, कुठे, आणि कोणत्या रुपात सद्गुरु कृपेचा योग येईल हे सद्गुरुच जाणोत. आवश्यकता आहे ती फक्त नितांत श्रद्धची आणि सातत्याने सत्कर्म करण्याच्या संकल्पाची. सद्गुरु सेवा निरंतर घडो हीच परम कृपाळू सद्गुरुंचरणी विनम्र प्राथना.
||सद्गुरुचरणार्पणमस्तु ||
|| नमो गुरवे वासुदेवाय ||
गणेशपुरी वृत्तांत, १४-०३-२०
श्री दत्तात्रेय स्तोत्र सामूहिक पठण आणि प्रतिक हवन १०३ वा कार्यक्रम
दिन विशेष – नाथषष्ठी
स्थळ – श्री भगवान नित्यानंद बाबा समाधी संस्थान, गणेशपुरी, वज्रेश्वरी
दि. – १४ मार्च २०२०, वेळ – सकाळी ९.३० ते दुपारी १
भगवान नित्यानंद बाबांच्या पवित्र समाधी स्थानी सुफी संत पूज्य दादा महाराज यांच्या सहवासात श्री दत्तात्रेय स्तोत्र सामूहिक पठण आणि प्रतिक हवनाचा कार्यक्रम संपन्न झाला. भगवान नित्यानंद बाबांचा थोडक्यात परिचय असा की, नित्यानंद बाबांना काहीजण दत्तात्रेयांचा तर काहीजण शिवाचा अवतार मानीत. तर काहींनी त्यांना हनुमंताशी संवाद साधतानाही पाहिले आहे. प्रापंचिकांना त्यांचा संदेश होता की, प्रथम गृहस्थाश्रम आचरा आणि सोबत अध्यात्माचेही आचरण ठेवा. ‘नैव निंदा प्रशंसाभ्याम्’ अर्थात निंदा आणि प्रशंसेमुळे त्यांना काही फरक पडत नव्हता, असे नित्यानंद बाबा ह्यांना जन्मत:च सिद्धावस्था प्राप्त होती. हजारो दु:खी जनांचा ते आधारस्तंभ होते. ते विरागी होते आणि त्यांना वाचासिद्धी प्राप्त होती. नित्य आनंद देणारे आणि नित्य ब्रह्मानंदात असणारे म्हणून त्यांना सर्वजण ‘नित्यानंद’ नावाने ओळखत.
अत्यंत प्रसन्न वातावरणात दिगंबरा दिगंबरा श्रीपाद वल्लभ दिगंबरा या नामाने प्रारंभ झाला. त्यानंतर ओम गुरु जय गुरु सच्चिदानंद गुरु, सच्चिदानंद गुरु नित्यानंद गुरु आणि शेवटी हे दत्त योगेश्वर वासुदेव श्रीपाद श्रीवल्लभ नारसिंह हे नामस्मरण झालं.
श्री टेंबे स्वामी महाराज आणि श्रीगुरु वासुदेव यंत्रासमोर यजमानांनी महाराजांना श्रीफळ आणि विडा अर्पण करून संकल्प करवून घेतला. त्यानंतर गायत्री मंत्राच्या जयघोषात सौर ऊर्जा घेऊन यज्ञवेदीमध्ये अग्नी प्रतिष्ठापित केला. नंतर राष्ट्रकल्याणाची प्रार्थना करण्यात आली. आवाहनीय मंत्रांनंतर ||नमो गुरवे वासुदेवाय|| या सिद्धमंत्राची अर्धी माळ आणि दत्त स्तोत्राचे सामूहिक पठण घेतले गेले. त्यानंतर स्वामी महाराजांचा परिचय उपस्थित साधक-भक्तांना करून देऊन श्री दत्तात्रेय स्तोत्राचा भावार्थ आणि स्तोत्र विवरण झालं. यानंतर पुन्हा सलग तीन वेळा या स्तोत्राचं सामूहिक पठण झालं. लगेचच श्रीसद्गुरुंचा कार्य आणि ग्रंथ परिचय थोडक्यात करून देण्यात आला. यावेळी विषयानुरूप प्रोजेक्टरवर स्लाईड दाखवण्यात आल्या.
पठणानंतर ||नमो गुरवे वासुदेवाय|| या मंत्राने उपस्थितांकडून (प्रथम बंधू आणि नंतर भगिनी या क्रमाने) सामूहिक हवन करवून घेण्यात आले. मग पूर्णाहुतीच्या मंत्रांनी पूर्णाहुती संपन्न झाली. यानंतर आभार प्रदर्शनात समाधी स्थानाचे विश्वस्त आणि ज्यांच्या पुढाकाराने कार्यक्रम संपन्न झाला त्या पूज्य दादा महाराजांचे आभार मानण्यात आले आणि कृतज्ञता व्यक्त करण्यात आली.
गणेशपुरी हा भाग वज्रेश्वरी येथे येत असल्याने ते एक शक्तिपीठ आहे. म्हणून महिषासुरमर्दिनी स्तोत्र घेण्यात आलं. शेवटी श्रीदत्तात्रेय स्तोत्राने सर्वांनी आशीर्वाद ग्रहण केले. यावेळी उपस्थितांवर अक्षता प्रोक्षित करण्यात आल्या.
नाथषष्ठी, भगवान नित्यानंद बाबांचे समाधी स्थान तसंच सगुण सद्गुरुंचा सहवास असा दुग्धशर्करा योग यादिवशी जुळून आला होता.
|| नमो गुरवे वासुदेवाय ||
वसई वृत्तांत, १४ मार्च २०२०
श्री दत्तात्रेय स्तोत्र सामूहिक पठण आणि प्रतिक हवन १०४ वा कार्यक्रम
दिन विशेष – नाथषष्ठी
स्थळ – श्री राम मंदिर, झेंडा बाजार, वसई (प)
दि. – १४ मार्च २०२०, वेळ –संध्याकाळी ५.३० ते रात्री ८.३०
वसई पश्चिमेला असलेल्या श्रीराम मंदिराला ३५० वर्षांचा इतिहास आहे. प्रशस्त आणि हवेशीर असलेल्या या मंदिरात प्रवेश करताक्षणीच डाव्या बाजूला श्रीराम, लक्ष्मण, सीता यांच्या उभ्या मूर्तीचं दर्शन होतं. मध्यभागी वीर मारुती आणि त्याच्या शेजारी विलोभनीय श्रीदत्तमूर्ती आपलं लक्ष वेधून घेते. या मंदिरात एक शिवलिंगही आहे. मंदिरात परमपूज्य श्री गोंदवलेकर महाराजांची एक तसबीर ठेवण्यात आली आहे. दर रविवारी ७ ते १२ या कालावधीमध्ये तिथे साधना केली जाते. त्यामध्ये परमपूज्य गोंदवलेकर महाराजांच्या प्रवचनांचा समावेश आहे. या सर्व वैश्विक शक्तींच्या विविध रूपांच्या सहवासात श्री दत्तात्रेय स्तोत्र सामूहिक पठण आणि प्रतिक हवनाचा कार्यकम संपन्न झाला.
कार्यक्रमाची सुरुवात श्रीराम जय राम जय जय राम आणि दिगंबरा दिगंबरा श्रीपाद वल्लभ दिगंबरा या नामस्मरणाने झाली.
श्री टेंबे स्वामी महाराज आणि श्रीगुरु वासुदेव यंत्रासमोर यजमानांनी महाराजांना श्रीफळ आणि विडा अर्पण करून संकल्प केला. त्यानंतर गायत्री मंत्राच्या जयघोषात सौर ऊर्जा घेऊन यज्ञवेदीमध्ये अग्नी प्रतिष्ठापित केला. नंतर राष्ट्रकल्याणाची प्रार्थना करण्यात आली.आवाहनीय मंत्रांनंतर ||नमो गुरवे वासुदेवाय|| या सिद्धमंत्राची अर्धी माळ आणि दत्त स्तोत्राचे सामूहिक पठण घेतले गेले. त्यानंतर स्वामी महाराजांचा परिचय उपस्थित साधक-भक्तांना करून देऊन श्री दत्तात्रेय स्तोत्राचा भावार्थ आणि स्तोत्र विवरण झालं. यानंतर पुन्हा सलग तीन वेळा या स्तोत्राचं सामूहिक पठण झालं. लगेचच श्रीसद्गुरुंचा कार्य आणि ग्रंथ परिचय थोडक्यात करून देण्यात आला. यावेळी विषयानुरूप प्रोजेक्टरवर स्लाईड दाखवण्यात आल्या.
पठणानंतर ||नमो गुरवे वासुदेवाय|| या मंत्राने उपस्थितांकडून (प्रथम बंधू आणि नंतर भगिनी या क्रमाने) सामूहिक हवन करवून घेण्यात आले. मग पूर्णाहुतीच्या मंत्रांनी पूर्णाहुती संपन्न झाली. यानंतर आभार प्रदर्शनात समाधी स्थानाचे विश्वस्त आणि ज्यांच्या पुढाकाराने कार्यक्रम संपन्न झाला त्या पाटील कुटुंबियांचे आणि श्री गोविंद महाराजांचे आभार मानण्यात आले आणि कृतज्ञता व्यक्त करण्यात आली.
शेवटी श्रीदत्तात्रेय स्तोत्राचे श्रवण करून सर्वांनी आशीर्वाद ग्रहण केले. यावेळी उपस्थितांवर अक्षता प्रोक्षित करण्यात आल्या.
नाथषष्ठीच्या शुभमुहूर्तावर हा कार्यक्रम संपन्न झाला.
कार्यक्रम अहवाल २०२२
श्रीदत्त जन्मोत्सवानिमित्त परमपूज्य सद्गुरु श्री वासुदेव वामन बापट गुरुजी यांच्या कृपेने व प्रेरणेने परमहंस परिव्राजकाचार्य श्रीमत् वासुदेवानंद सरस्वती (टेंबे) स्वामी महाराज विरचित दत्त स्तोत्रांचे पठण तथा हवन आणि त्यावरील श्रीसद्गुरु बापट गुरुजी लिखित या दत्त स्तोत्रांवरील सार्थ विवरण ग्रंथांचे सार वाचन कार्यक्रम अहमदाबाद, गुजरात येथे संपन्न झाला.
दिनांक – ०३ डिसेंबर २०२२, शनिवार
वेळ – संध्याकाळी ४ ते ७.३०
कार्यक्रम स्थळ – श्री गजानन महाराज मंदिर, उमा-भवानी सोसायटी समोर, चांदखेडा रेल्वे स्टेशन समोर, त्रागड रोड, अहमदाबाद
आयोजक – श्री देशकर
त्रागड रोड ह्या ठिकाणी श्री संत गजानन महाराजांचे सुंदर मंदिर आहे. मंदिरातील गाभाऱ्यामध्ये प्रभु श्री दत्तात्रेयांच्या मूर्तीखाली श्री संत गजानन महाराजांच्या मूर्तीसोबतच श्री स्वामी समर्थ आणि श्री साईबाबांच्या जिवंत वाटाव्यात अशा देखण्या मूर्ती स्थापन केल्या आहेत. त्याचबरोबर श्रीगणेश, श्रीविठ्ठल-रखुमाई, पूज्य श्री रंगावधूत स्वामी महाराज यांच्याही देखण्या मूर्ती आहेत. तसेच एक शिवपिंडही आहे.
सकाळी लवकर आवरून सर्वजण मंदिरात दाखल झाले. ३ डिसेंबर यादिवशी मोक्षदा एकादशी असल्याने सर्वांनी आचार्य विनोबा भावे रचित गीताईमधील क्रमांक ५४ ते ७२ या श्लोकांचे सामूहिक पठण केले आणि त्यानंतर ‘श्रीमद्भगवद्गीता – श्रीकृष्ण बासरीचे सूर’ ह्या परमपूज्य सद्गुरु बापट गुरुजी लिखित ग्रंथातील स्थितप्रज्ञ लक्षणांचे वाचन करण्यात आले. थोड्याशा विश्रांतीनंतर संध्याकाळच्या कार्यक्रमाच्या पूर्वतयारीला सुरूवात झाली. मंदिराला लागूनच असलेल्या इमारतीमध्ये यज्ञकुंड बांधले होते आणि अंगणात बैठक व्यवस्था केली होती. रांगोळ्या आणि फुलांची सजावट केली होती. मंदिरातील सर्व देवतांचे आशीर्वाद घेऊन ठिक ४ वाजता कार्यक्रम सुरू झाला.
नियोजनानुसार सुरुवातीला यजमानांकडून दीप प्रज्वलन, देवता पूजन, संकल्प प्रार्थना झाली. ‘दिगंबरा दिगंबरा श्रीपाद वल्लभ दिगंबरा’ आणि ‘गण गण गणात बोते’ हे नामस्मरण झाले. नंतर यजमानांकडून यज्ञवेदी पूजन, दिशा पूजन आणि गायत्री मंत्राच्या जयघोषात सौर ऊर्जा घेऊन यज्ञवेदीमध्ये प्रज्वलित अग्नी प्रतिष्ठापित करण्यात आला. नंतर राष्ट्रकल्याण प्रार्थना आणि आवाहन मंत्र झाले. त्यानंतर टेंबे स्वामी महाराजांचा परिचय देण्यात आला. लगेचच अनुक्रमे अघोरकष्टोद्धरण स्तोत्र, दत्तात्रेय स्तोत्र, श्रीगुरुस्तुति यांचे पठण आणि त्यावरील अन्वय व विवरण सांगण्यात आले. त्यानंतर || नमो गुरवे वासुदेवाय || या मंत्राविषयी माहिती देण्यात आली. मग सलग तिन्ही स्तोत्रांच्या पठणासहित उपस्थित सर्वांकडून हवन करवून घेण्यात आले. सर्वांचे हवन झाल्यावर श्रीसद्गुरु परिचय देण्यात आला आणि त्यांनी लिहिलेल्या गंथांची माहिती देण्यात आली. यावेळी श्रीसद्गुरुंच्या आठवणीने मन भावूक झाले. कार्यक्रमाची सांगता नर्मदा गजर आणि साहचर्य प्रार्थनेने झाली. नंतर यजमानांकडून पूर्णाहुती झाली. दत्तात्रेय स्तोत्राच्या पठणाने सर्वांनी आशीर्वाद ग्रहण करून श्रीसद्गुरु चरणी सेवा अर्पण केली. उपस्थित सर्वांवर अक्षता प्रोक्षण करण्यात आल्या.
पूर्णाहुतीनंतर कार्यक्रमाचे आयोजक श्री देशकर यांनी आभार व्यक्त केले. साडेसात वाजता मंदिरातील आरतीत सर्वांनी सहभाग घेतला. सद्गुरुंप्रती असलेली श्री देशकर आणि देशकर कुटुंबीय तसेच त्यांच्या सहकाऱ्यांची निष्ठा निश्चितच वाखाणण्याजोगी होती. अतिशय पवित्र वातावरणात प्रस्तुत कार्यक्रम संपन्न झाला.
उपस्थिती – ७० – ८०
श्री स्वामी समर्थ महाराज मंदिर, नारोळ, अहमदाबाद
श्रीदत्त जन्मोत्सवानिमित्त परमपूज्य सद्गुरु श्री वासुदेव वामन बापट गुरुजी यांच्या कृपेने व प्रेरणेने परमहंस परिव्राजकाचार्य श्रीमत् वासुदेवानंद सरस्वती (टेंबे) स्वामी महाराज विरचित दत्त स्तोत्रांचे सामूहिक पठण तथा हवन आणि त्यावरील श्रीसद्गुरु बापट गुरुजी लिखित या दत्त स्तोत्रांवरील सार्थ विवरण ग्रंथांचे सार वाचन कार्यक्रम अहमदाबाद, गुजरात येथे संपन्न झाला.
दिनांक – ०४ डिसेंबर २०२२, रविवार
वेळ – सकाळी ९ ते १
कार्यक्रम स्थळ – श्री स्वामी समर्थ महाराज मंदिर, नारोळ, अहमदाबाद
आयोजक – श्री रावल
नारोळ येथील एका औद्योगिक वसाहतीत श्री स्वामी समर्थ महाराजांचे मोठे मंदिर आहे. या मंदिरात प्रवेशद्वाराजवळ तेथील नागदेवतेची छोटीशी घुमटी असून त्यात नागदेवतेची एक मूर्ती आणि फोटो आहे. मंदिरात श्री स्वामी समर्थ महाराजांच्या मूर्तीसोबतच श्रीदुर्गेची मूर्ती स्थापन केली आहे. तसेच एक शिवपिंडही आहे. आजूबाजूच्या परिसरातील झाडांवर विविध पक्ष्यांचे मधुर कुजन ऐकू येत होते. गायीच्या गोठ्याच्या बाजूला एक लांडोरही दृष्टीस पडली. सकाळच्या अशा प्रसन्न वातावरणात कार्यक्रमाला सुरूवात झाली.
सकाळी लवकर आवरून सर्वजण मंदिरात दाखल झाले आणि कार्यक्रमाच्या पूर्वतयारीला सुरूवात झाली. मंदिरातच असलेल्या प्रांगणात यज्ञकुंड बांधले होते.
नियोजनानुसार सुरुवातीला ‘दिगंबरा दिगंबरा श्रीपाद वल्लभ दिगंबरा’ आणि ‘श्रीस्वामी समर्थ जय जय स्वामी समर्थ’ हे नामस्मरण घेण्यात आले. नंतर यजमानांकडून दीप प्रज्वलन, देवता पूजन, संकल्प प्रार्थना झाली. नंतर यजमानांकडून यज्ञवेदी पूजन, दिशा पूजन आणि गायत्री मंत्राच्या जयघोषात सौर ऊर्जा घेऊन यज्ञवेदीमध्ये प्रज्वलित अग्नी प्रतिष्ठापित करण्यात आला. नंतर राष्ट्रकल्याण प्रार्थना आणि आवाहन मंत्र झाले. त्यानंतर टेंबे स्वामी महाराजांचा परिचय देण्यात आला. लगेचच अनुक्रमे अघोरकष्टोद्धरण स्तोत्र, दत्तात्रेय स्तोत्र, श्रीगुरुस्तुति यांचे पठण आणि त्यावरील अन्वय व विवरण सांगण्यात आले. त्यानंतर || नमो गुरवे वासुदेवाय || या मंत्राविषयी माहिती देण्यात आली. मग सलग तिन्ही स्तोत्रांच्या पठणासहित उपस्थित सर्वांकडून हवन करवून घेण्यात आले. सर्वांचे हवन झाल्यावर श्रीसद्गुरु परिचय देण्यात आला आणि त्यांनी लिहिलेल्या गंथांची माहिती देण्यात आली. कार्यक्रमाची सांगता नर्मदा गजर आणि साहचर्य प्रार्थनेने झाली. नंतर यजमानांकडून पूर्णाहुती झाली. दत्तात्रेय स्तोत्राच्या पठणाने सर्वांनी आशीर्वाद ग्रहण करून श्रीसद्गुरु चरणी सेवा अर्पण केली. उपस्थित सर्वांवर अक्षता प्रोक्षण करण्यात आल्या. पूर्णाहुतीनंतर कार्यक्रमाचे आयोजक श्री रावल यांनी स्वामी समर्थ महाराज, अंबा माता, महादेव यांचा उच्च स्वरात गजर केला. कार्यक्रम समाप्तीनंतर सर्वांनी भोजन-प्रसादाचा लाभ घेतला.
उपस्थिती – १००
श्री यशवंतराव महाराज साधू देव मामलेदार समाधी मंदिर, गंगा घाट, नाशिकस्तोत्र प्रचार आणि प्रसार कार्यक्रम क्रमांक 108 - अहवाल
परमपूज्य सद्गुरु श्री वासुदेव वामन बापट गुरुजी यांच्या कृपेने व प्रेरणेने श्रीसंत यशवंत महाराज (श्री देव मामलेदार) पुण्यतिथी उत्सवानिमित्त श्रीमत् आद्य शंकराचार्य आणि परमहंस परिव्राजकाचार्य श्रीमत् वासुदेवानंद सरस्वती (टेंबे) स्वामी महाराज विरचित “श्री गंगा, यमुना आणि नर्मदा स्तोत्रांचे व मंत्रांचे सामूहिक पठण व हवन कार्यक्रम नाशिक येथे संपन्न झाला.
दिनांक – १८ डिसेंबर २०२२, रविवार
वेळ – संध्याकाळी ३.३० ते ६.४५
कार्यक्रम स्थळ – श्री यशवंतराव महाराज साधू देव मामलेदार समाधी मंदिर, गंगा घाट, नाशिक
आयोजक – श्री विलास कुलकर्णी
परमपूज्य देव मामलेदार १८ व्या शतकातील एक महान संत म्हणून ओळखले जातात. त्यांचा जन्म एका दत्तभक्त कुटुंबात झाला. त्यांनी महसूल खात्यात विविध पदांवर नोकरी केली. गोरगरीब आणि वंचितांसाठी आपले आयुष्य वेचले. गंगा घाटावर पुण्यतिथी उत्सव मोठ्या प्रमाणावर साजरा केला जातो. महाराष्ट्रातून अनेक भक्त महाराजांच्या दर्शनास येथे येत असतात. महाराजांच्या कृपेने भक्तांच्या सर्व मनोकामना पूर्ण होतात असा विश्वास आहे. अशा या मंदिरातील पवित्र वातावरणात स्तोत्र प्रचाराचा कार्यक्रम संपन्न झाला.
श्रीसद्गुरुंच्या साक्षीने यजमानांकडून दीप प्रज्वलन, देवता पूजन, संकल्प प्रार्थना झाली. नंतर यजमानांकडून यज्ञवेदी पूजन, दिशा पूजन आणि गायत्री मंत्राच्या जयघोषात सौर ऊर्जा घेऊन यज्ञवेदीमध्ये प्रज्वलित अग्नी प्रतिष्ठापित करण्यात आला. नंतर राष्ट्रकल्याण प्रार्थना आणि आवाहन मंत्र झाले. त्यानंतर पूज्य टेंबे स्वामी महाराजांचा परिचय देण्यात आला. त्यानंतर ||नमो गुरवे वासुदेवाय|| मंत्र आणि ||श्रीगुरु वासुदेव यंत्र|| या साधना द्वयींची माहिती देण्यात आली.
यानंतर गंगा, यमुना आणि नर्मदा स्तोत्रांच्या पठणासहित त्यावरील अल्प विवरण देण्यात आले. तसेच या तिन्ही नद्यांचे मंत्र पठण करून उपस्थित सर्वांकडून हवन करवून घेण्यात आले. सर्वांचे हवन झाल्यावर श्रीसद्गुरु परिचय देण्यात आला आणि त्यांनी लिहिलेल्या ग्रंथाची माहिती देण्यात आली. कार्यक्रमाची सांगता नर्मदा गजर आणि साहचर्य प्रार्थनेने झाली. नंतर यजमानांकडून पूर्णाहुती घेण्यात आली. दत्तात्रेय स्तोत्राच्या पठणाने सर्वांनी आशीर्वाद ग्रहण करून श्रीसद्गुरु चरणी सेवा अर्पण केली. उपस्थित सर्वांवर अक्षता प्रोक्षण करण्यात आल्या.
उपस्थिती – ५५
स्तोत्र प्रचार आणि प्रसार कार्यक्रम 109 - अहवालपरमपूज्य सद्गुरु श्री वासुदेव वामन बापट गुरुजी यांच्या कृपेने व प्रेरणेने श्रीनर्मदा जयंती (रथसप्तमी) पर्वानिमित्त परमहंस परिव्राजकाचार्य श्रीमत् वासुदेवानंद सरस्वती (टेंबे) स्वामी महाराज विरचित “श्रीकृष्णा लहरी, गंगा, यमुना आणि नर्मदा स्तोत्रांचे व मंत्रांचे सामूहिक पठण व हवन कार्यक्रम कऱ्हाड येथे संपन्न झाला.
दिनांक – २३ जानेवारी २०२३, रविवार
वेळ – संध्याकाळी ४.०० ते ७.३०
कार्यक्रम स्थळ – राधाकृष्ण देवस्थान ट्रस्ट, वे. शा. सं. गरूड मामा यांचे राधाकृष्ण मंदिर, सोमवार पेठ, संगमाजवळ कऱ्हाड (जि. सातारा)
आयोजक – वे. शा. सं. डॉ. श्री. विनायक गरूड
श्री गरुड मामा हे कऱ्हाडमधील प्रसिद्ध व्यक्तिमत्व आहे. धर्मशास्त्र, वेद, ज्योतिष, यज्ञयाग आणि संस्कृत यात ते पारंगत आहेत. अनेक लोकं त्यांच्याकडे मार्गदर्शनासाठी येत असतात. त्यांच्या पुरातन राधाकृष्ण मंदिराला शंभर वर्षांहून अधिक काळ झाला आहे. कऱ्हाडचे ग्रामदैवत म्हणजे भगवती श्रीकृष्णामाई. कृष्णा नदी भगवंताचे जलरूप असून ती विष्णूस्वरूपिणी आहे. तिच्या रम्य तीरावर हे मंदिर आहे. अशा या पुरातन मंदिरातील पवित्र वातावरणात स्तोत्र प्रचाराचा कार्यक्रम संपन्न झाला.
राधाकृष्ण मूर्तीच्या शेजारील जागेत परमपूज्य सद्गुरु श्री बापट गुरुजी, श्री टेंबे स्वामी महाराज ह्यांची तसबीर आणि श्रीगुरु वासुदेव यंत्र विराजमान होते. श्रीसद्गुरुंच्या साक्षीने यजमानांकडून दीप प्रज्वलन, देवता पूजन, संकल्प प्रार्थना झाली. नंतर ‘हे कृष्ण गोविंद हरे मुरारी हे नाथ नारायण वासुदेव’ हे नामस्मरण घेण्यात आले. मग उपस्थितांना यज्ञाविषयी माहितीसोबत पूज्य सद्गुरु श्री बापट गुरुजींच्या ‘नर्मदा परिक्रमा – एक अभ्यासपूर्ण आनंदयात्रा’ या ग्रंथराजाबद्दल सांगण्यात आले. यजमानांकडून यज्ञवेदी पूजन, दिशा पूजन झाले. गायत्री मंत्राच्या जयघोषात सौर ऊर्जा घेऊन यज्ञवेदीमध्ये प्रज्वलित अग्नी प्रतिष्ठापित करण्यात आला. नंतर राष्ट्रकल्याण प्रार्थना आणि आवाहन मंत्र झाले. त्यानंतर पूज्य टेंबे स्वामी महाराजांचा परिचय देण्यात आला. तसेच त्या अनुषंगाने स्वामी महाराजांच्या नामाचे अधिष्ठान लाभलेल्या ||नमो गुरवे वासुदेवाय|| मंत्र आणि ||श्रीगुरु वासुदेव यंत्र|| या साधना द्वयींची माहिती देण्यात आली. तद्नंतर या सिद्ध मंत्र व यंत्र साधना द्वयींची महती पटवून देणाऱ्या ‘नमो गुरवे वासुदेवाय – मंत्र व यंत्र साधना’ या पूज्य श्री बापट गुरुजीच्या ग्रंथाविषयी सांगण्यात आले. नंतर ||नमो गुरवे वासुदेवाय|| या सिद्ध मंत्राची अर्धी माळ घेऊन त्यासोबत हवन घेण्यात आले.
यानंतर कृष्णा माहात्म्य आणि जल सान्निध्यातील तप साधनेचे महत्त्व सांगण्यात आले. माहितीपूर्ण निवेदनानंतर कृष्णा लहरी पठण, गंगा स्तोत्र आणि नर्मदाष्टकम् स्तोत्रांचे पठण झाले. नंतर श्रीसद्गुरु परिचय आणि त्यांनी लिहिलेल्या गंथांपैकी निवडक तीन ग्रंथांचा परिचय देण्यात आला. यानंतर ‘ॐ नम: कृष्णे ते जय शमित तृष्णे गुरुमते’ या श्लोकाचे पठण करून उपस्थितांकडून हवन घेण्यात आले. कार्यक्रमाची सांगता नर्मदा-गंगा गजर आणि साहचर्य प्रार्थनेने झाली. नंतर यजमानांकडून पूर्णाहुती घेण्यात आली. दत्तात्रेय स्तोत्राच्या पठणाने सर्वांनी आशीर्वाद ग्रहण करून श्रीसद्गुरु चरणी सेवा अर्पण केली. उपस्थित सर्वांवर अक्षता प्रोक्षण करण्यात आल्या.
उपस्थिती – ४०
परमपूज्य सद्गुरु श्री वासुदेव वामन बापट गुरुजी यांच्या कृपेने व प्रेरणेने परमहंस परिव्राजकाचार्य श्रीमत् वासुदेवानंद सरस्वती (टेंबे) स्वामी महाराज विरचित (अ)घोरकष्टोद्धरण स्तोत्राचे सामूहिक पठण व हवन कार्यक्रम ठाणे येथे संपन्न झाला.
दिनांक – १८ मे २०२३, गुरुवार
वेळ – संध्याकाळी ४.०० ते ७.००
कार्यक्रम स्थळ – श्री स्वामी समर्थ सेवा प्रतिष्ठान, घोडबंदर रोड मठ, टी. एम. सी. पुनर्वसन गाला, आनंद नगर, ऋतू एन्क्लेव्ह सोसायटीच्या बाजूला, घोडबंदर रोड, ठाणे पश्चिम
आयोजक – अध्यक्ष, श्री विकास पाटील
घोडबंदर रोड येथे श्री स्वामी समर्थ महाराजांचा छोटेखानी असा छान मठ आहे. येथे अनेक भक्त नित्यनेमाने स्वामींच्या दर्शनासाठी येत असतात. टी. एम. सी. पुनर्वसन गाळ्यांमध्ये श्री विकासदादा पाटील यांनी हा मठ स्थापित केला आहे. मर्यादित जागेत एक गाभारा करून त्यामध्ये स्वामींची मोठी तसबीर, पूज्य शंकर महाराजांची मूर्ती तसेच अनेक देवतांच्या पितळी मूर्ती स्थानापन्न केल्या आहेत. बाहेरील बाजूस श्रीस्वामी समर्थ, शंकर महाराज आणि श्रीमत् नृसिंह सरस्वती स्वामी महाराजांची बोलकी तसबीर आपले लक्ष वेधून घेते. अनेक सेवेकरी आपले सेवाकार्य निष्ठेने करत असलेले आपल्याला दिसून येतात.
श्रीसद्गुरुंच्या साक्षीने यजमानांकडून दीप प्रज्वलन, देवता पूजन, संकल्प प्रार्थना झाली. नंतर ‘श्रीस्वामी समर्थ जय जय स्वामी समर्थ’ हे नामस्मरण घेण्यात आले आणि स्वामी स्तुती म्हणण्यात आली. नंतर यजमानांकडून यज्ञवेदी पूजन, दिशा पूजन झाले. गायत्री मंत्राच्या जयघोषात सौर ऊर्जा घेऊन यज्ञवेदीमध्ये प्रज्वलित अग्नी प्रतिष्ठापित करण्यात आला. नंतर राष्ट्रकल्याण प्रार्थना आणि आवाहन मंत्र झाले. मग उपस्थितांना यज्ञाच्या माहितीसोबतच ||नमो गुरवे वासुदेवाय|| मंत्राविषयी माहिती देण्यात आली. त्यानंतर पूज्य टेंबे स्वामी महाराजांचा परिचय देण्यात आला. नंतर (अ)घोरकष्टोद्धरण स्तोत्राचा अन्वय आणि त्यावरील निरूपण सादर झाले. एक वेळा पठण आणि ||नमो गुरवे वासुदेवाय|| या सिद्धमंत्राची अर्धी माळ घेऊन त्यासोबत यजमानांकडून हवन घेण्यात आले. उपस्थितांना घोरकष्टोद्धरण स्तोत्राची छापील प्रत वाटण्यात आली. त्यानंतर स्तोत्राचे पाच वेळा सामूहिक पठण झाले.
श्रीसद्गुरु परिचय आणि त्यांनी लिहिलेल्या गंथांपैकी श्री टेंबे स्वामी विरचित ग्रंथांवर आधारित इतर तीन निवडक ग्रंथांचा परिचय देण्यात आला. यानंतर ||नमो गुरवे वासुदेवाय|| या मंत्राचे पठण करून उपस्थितांकडून हवन घेण्यात आले. कार्यक्रमाची सांगता नर्मदा-गंगा गजर आणि साहचर्य प्रार्थनेने झाली. नंतर यजमानांकडून पूर्णाहुती घेण्यात आली. दत्तात्रेय स्तोत्राच्या पठणाने सर्वांनी आशीर्वाद ग्रहण करून सर्वांनी श्रीसद्गुरु चरणी सेवा अर्पण केली. उपस्थित सर्वांवर अभिषेक जलाचे प्रोक्षण करण्यात आल्या.
कार्यक्रम समाप्तीनंतर ‘दया करा हे स्वामी समर्थ’ अशी प्रार्थना अध्यक्ष महोदय श्री विकासदादा पाटील यांनी म्हटली. तसेच कार्यक्रम आवडल्याचे सांगत आपले मनोगतही व्यक्त केले. ते म्हणाले, “पूज्य बापट गुरुजींच्या परिवाराचे आम्ही आभार मानतो. येथे बापट गुरुजींची सिद्ध पुस्तके उपलब्ध आहेत. ती आपण वाचू शकतो. कारण वाचाल तर वाचाल. ती पुस्तके वाचून तुम्ही स्वहित साधू शकता. यापूर्वी टेंबे स्वामींविषयी फारशी माहिती नव्हती. ती या निमित्ताने आम्हाला कळली.” यानंतर त्यांनी श्री टेंबे स्वामी महाराजांचा जयजयकार केला.
यानंतर मठातील पद्धतीप्रमाणे करूणात्रिपदी द्रुत चालीत म्हटली गेली आणि त्यानंतर ‘अवधूत चिंतन गुरुदेव दत्त’ हे नामस्मरण जल्लोषात सादर केले. यानंतर गुरुवारच्या आरतीत सर्वांनी सहभाग घेतला. सरतेशेवटी उपस्थितांनी स्वामींचे दर्शन घेऊन महाप्रसाद ग्रहण केला. दोन्ही बाजूंना असलेल्या गाळ्यांच्या मधल्या जागेत मोठ्या संख्येने भक्तवर्ग उपस्थित होता.
उपस्थिती – ८०
परमपूज्य सद्गुरु श्री वासुदेव वामन बापट गुरुजी यांच्या कृपेने व प्रेरणेने परमहंस परिव्राजकाचार्य श्रीमत् वासुदेवानंद सरस्वती (टेंबे) स्वामी महाराज विरचित श्रीदत्त स्तोत्रांचे सामूहिक पठण व हवन कार्यक्रम अर्नाळा येथे संपन्न झाला.
दिनांक – २९ जुलै २०२३, शनिवार
वेळ – सकाळी ९.०० ते १.००
कार्यक्रम स्थळ – श्रीराम मंदिर संस्थान, जुना कोळीवाडा, अर्नाळा
आयोजक – श्री राजेंद्र पाटील
परमपूज्य सद्गुरु श्री बापट गुरुजींच्या कृपेनें प्रचार प्रसाराचा 111 वा कार्यक्रम अतिशय उत्तम सम्पन्न झाला.कार्यक्रम स्थळ म्हणजे अर्नाळा येथील कोळीवाड्यातले श्रीराम मंदिर.पालघर जिल्ह्यातील अत्यन्त निसर्ग रम्य परिसरातल्या ह्या स्थळी गेले काही दिवस अतिवृष्टी मुळे सगळीकडे पाणी भरले होते. मुंबईहुन येणारे रस्ते सुद्धा पाणी भरल्या मुळे विस्कळीत झाले होते.मात्र कोणत्याही सत्कर्मामध्ये निसर्ग शक्ती साथ देतेच ह्या सामूहिक अनुभवाचे पुन्हा प्रत्यन्तर आले आणि आज पावसाचा जोर उतरला आणि सगळे स्वयंसेवक योग्य वेळी कार्यक्रम स्थळी पोहोचू शकले. कार्यक्रम किंचित उशीरा सुरु झाला. पण सर्व उपस्थित असलेल्या सुमारे 70 पेक्षा जास्त भक्तांची आध्यात्मिक बैठक लक्षणीय होती. कोळीवाड्यातले हे कोळी समाजाचे बंधु आणि भगिनी अत्यन्त श्रद्धाळू आणि प्रभु रामचंद्राची निस्सीम भक्ती करणारे होते. सगळे जण पूज्य गोंदवलेकर महाराजांची उपासना नित्य नियमित करतात. अर्थात त्यामुळे यज्ञ् साधनेतही त्यांची एकाग्रता आणि भक्ती अतिशय श्रेष्ठ होती. गुरुजी म्हणतात तसं अध्यात्मात भौतिक ज्ञाना पेक्षा आत्मिक जाणीव जास्त महत्वाची आहे, ह्याचा प्रत्यय आला.सर्व स्तोत्र अर्थ उत्तम रीत्या व थोडक्यात सांगून, सद्गुरु कार्य आणि ग्रंथ परिचय देण्यात आला. टेंबे स्वामी महाराज ह्यांचा चरित्र परिचय देऊन, नमो गुरवे वासुदेवाय ह्या मंत्र पठणाने हवनही झाले.एकंदर आयोजन करणाऱ्या स्वयंसेवकांना खूप काही बोध देणारा आजचा कार्यक्रम गुरुकृपेनें संपन्न झाला.
उपस्थिती – ८०
परमपूज्य सद्गुरु श्री वासुदेव वामन बापट गुरुजी यांच्या कृपेने व प्रेरणेने परमहंस परिव्राजकाचार्य श्रीमत् वासुदेवानंद सरस्वती (टेंबे) स्वामी महाराज विरचित श्रीदत्त स्तोत्रांचे सामूहिक पठण व हवन कार्यक्रम आवळस येथे संपन्न झाला.
दिनांक – ०३ सप्टेंबर २०२३, रविवार
वेळ – सकाळी ९.०० ते १.००
कार्यक्रम स्थळ – एकमुखी दत्त मंदिर, आवळस (पळसदरी स्टेशन), कर्जत
आयोजक – श्री व सौ खेडेकर
पळसदरी स्टेशनपासून १५ मिनिटांवर आवळस गावात एकमुखी दत्तमंदिर आहे. अतिशय घनदाट वनराईने आणि डोंगरांनी वेढलेले हे गाव आहे. त्या परिसरात दत्त महाराजांच्या उपस्थितीने जणू काही विलक्षण अशा शांततेचा अनुभव येतो. काळ्याशार मातीत अनेक प्रकारच्या वृक्ष-वल्ली आपल्या नजरेस पडतात. ह्या मंदिराची देखभाल श्री व सौ खेडेकर दाम्पत्य अत्यंत निष्ठेने करतं.
अशा या प्रभू दत्तात्रेयांच्या अत्यंत प्रसन्न अशा मंदिरात स्थानापन्न केलेल्या परमपूज्य सद्गुरु श्री बापट गुरुजी, श्री टेंबे स्वामी महाराज ह्यांची तसबीर आणि श्रीगुरु वासुदेव यंत्र यांच्या साक्षीने यजमानांकडून दीप प्रज्वलन, देवता पूजन, संकल्प प्रार्थना झाली. नंतर ‘दिगंबरा दिगंबरा श्रीपाद वल्लभ दिगंबरा’ आणि ‘हे दत्त योगेश्वर वासुदेव ’ हे नामस्मरण घेण्यात आले. नंतर यजमानांकडून यज्ञवेदी पूजन, दिशा पूजन झाले. गायत्री मंत्राच्या जयघोषात सौर ऊर्जा घेऊन यज्ञवेदीमध्ये प्रज्वलित अग्नी प्रतिष्ठापित करण्यात आला. नंतर राष्ट्रकल्याण प्रार्थना आणि आवाहन मंत्र झाले. त्यानंतर परमपूज्य सद्गुरु श्री बापट गुरुजी यांचा अल्प परिचय देण्यात आला. त्यानंतर पूज्य टेंबे स्वामी महाराजांचा परिचय देण्यात आला. नंतर श्रीदत्त स्तोत्रांचे निरूपण सादर झाले. यामध्ये प्रथम अघोरकष्टोद्धरण स्तोत्राचे विवरण आणि नंतर सामूहिक पठण झाले. मग करूणात्रिपदी स्तोत्र परिचय व त्याचे सामूहिक पठण झाले.
यानंतर परमपूज्य सद्गुरु श्री बापट गुरुजी यांनी लिहिलेल्या नाम साधन पै सोपे, विचारें मना तूचिं शोधोनि पाहे, आणि ध्यानातून ध्येयाकडे या तीन निवडक ग्रंथांचा परिचय देण्यात आला. यानंतर यज्ञाचे महत्त्व सांगण्यात आले. मग ||नमो गुरवे वासुदेवाय|| या मंत्राने उपस्थितांकडून सामूहिक हवन घेण्यात आले. यादिवशी संकष्टी चतुर्थी असल्याने प. प. टेंबे स्वामी कृत गणेश स्तोत्राचे पठण झाले. पठणानंतर ह्या दिवशीच्या कार्यक्रमास आपली प्रार्थनीय उपस्थिती ज्यांनी लावली ते पूज्य सद्गुरुंचे धाकटे सुपुत्र श्री यशोधन बापट यांनी त्यांचे ‘श्रीसद्गुरुतत्त्व’ या विषयावरील मनोगत व्यक्त केले. स्वत:ला अज्ञानी आणि अपूर्ण समजणाऱ्या ह्या जीवाचं जे जीवपण असतं, ते जीवपण फेडून त्या जीवात असलेल्या शिवपणाला प्रगट करणाऱ्या एकमेवाद्वितीय, अलौकिक, चालतंबोलतं परब्रह्म, करूणावरूणालय मायमाऊली आणि भगवंत सगळं एकच, ते म्हणजे सद्गुरुतत्त्व! श्री शिरीषदादा कवडे ह्यांनी लिहिलेल्या ‘दीक्षारहस्य’ ह्या पुस्तकात त्यांनी केलेल्या सद्गुरुतत्त्वावरील भाष्याचा उल्लेख करून कार्यक्रमाचे आयोजक श्री खेडेकर काका यांच्याबद्दल कृतज्ञता व्यक्त केली की त्यांनी श्रीदत्ताचे देऊळ बांधून भक्तांना उपासना करण्यासाठी स्थान उपलब्ध करून दिले.” उपस्थित सर्वांना बदलापूर येथे होणाऱ्या सामूहिक यज्ञ साधनेचे निमंत्रण दिले. नंतर त्यांच्या हस्ते आयोजकांचा सत्कार करण्यात आला. यानंतर अनुक्रमे श्री देशमुख आणि श्री खेडेकर काका यांनी त्यांचे विचार मांडले आणि कार्यक्रमाला शुभेच्छा दिल्या.
कार्यक्रमाची सांगता नर्मदा-गंगा गजर आणि साहचर्य प्रार्थनेने झाली. नंतर यजमानांकडून पूर्णाहुती घेण्यात आली. दत्तात्रेय स्तोत्राच्या पठणाने सर्वांनी आशीर्वाद ग्रहण करून सर्वांनी श्रीसद्गुरुचरणी सेवा अर्पण केली. उपस्थित सर्वांवर अभिषेक जलाचे प्रोक्षण करण्यात आले. अशारितीने सर्वांच्या सहकार्याने कार्यक्रम संपन्न झाला. श्री खेडेकर काकांनी सर्वांनी ‘पुन्हा या’ आपुलकीयुक्त प्रेमाने सर्वांना निमंत्रित केले. शेवटी उपस्थितांनी महाप्रसादाचा लाभ घेतला.
उपस्थिती – ८०